Kanadalı bir qadının doqquz ay gözlədiyi körpə təyyarədə dünyaya göz açıb. Kanadanın Kalqari şəhərindən Yaponiyanın paytaxtı Tokio istiqamətində uçan “Air Canada” hava yollarına məxsus sərnişin təyyarəsində sürpriz doğum reallaşıb. Bu barədə şirkətin sosial şəbəkədəki səhifəsindən xəbər verilib. Adı açıqlanmayan 36 həftəlik hamilə sərnişin Sakit okeanı üzərində olarkən sancılanıb. Əvvəlcə uçuş kapitanı təcili eniş etməyi düşünsə də, daha sonra sərnişinlər içərisində olan həkim qadının kömyinə çatıb. Havada yaşanan təlaşa və narahatlığa görə təyyarə Tokio hava limanına yarım saat gec enib. Ana və övladı təyyarənin hava limanına enməsinin ardınca xəstəxanaya aparılıb. Kloe adı verilən körpənin və anasının vəziyyətinin yaxşı olduğu bildirilir.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.