Rusiya prezidenti Vladimir Putin Soçidə ölkənin müdafiəsi ilə bağlı müşavirələr keçirəcək. Bu barədə Rusiya prezidentinin mətbuat katibi Dmitri Peskov açıqlama verib. "Prezident hərbi sənaye komplekslərinin tikintisi üzrə silsilə müşavirələrə başlayır", - Dmitri Peskov deyib. Silahlı Qüvvələrin inkişafı məsələlərinə həsr edilmiş həftə artıq prezidentin illik qrafikində ənənəvi hal olub. Putin ardıcıl üçüncü il belə sessiyaları keçirir. Bu görüşlərdə Putin Müdafiə Nazirliyinin və müdafiə-sənaye kompleksinin rəhbərliyi ilə görüşür. Peskov bildirib ki, Soçidə müşavirələrdə "Qosoboronzakaz”ın hərbi gəmi inşaatının prioritetləri haqqında icrasının və başqa hərbi məsələlər haqqında söhbət gedəcək. Hərbi məsələlər bir həftə ərzində bütün detallarda müzakirə ediləcək.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.