banner
banner

Sosİal

Azərbaycan üçün yaxşı proqnoz

Azərbaycan üçün yaxşı proqnoz

"Neftin qiymətinin ucuzlaşması Azərbaycanın iqtisadiyyatı üçün xoşagəlməz sürpriz olub". 
Bu barədə "Fitch Ratings" agentliyinin hesabatında qeyd edilib. Beynəlxalq agentlik yerli və xarici valyutada Azərbaycanın suveren reytinqini "BBB" səviyyəsində - sabit proqnozla təsdiq edib.

Agentlik hesab edir ki, manatın devalvasiyası və dollar/avronun bivalyuta səbətində qayıdışı real effektiv məzənnənin kəskin möhkəmlənməsi və Mərkəzi Bankın valyuta ehtiyatlarının azalmasına reaksiya idi. AMB-nin 2014-cü ilin oktyabrında 16,4 milyardlıq ehtiyyatları 2015-ci ilin fevralında 11 milyarda qədər azalıb. Ancaq bu göstərici Azərbaycanın kredit reytinqinə təsir etməyib. Bununla belə ehtiyatlar 6 aylıq idxal həcmini ödəyərək kifayət qədər yüksək səviyyədə qalıb.

Hazırkı büdcədə neftin bir barelinin orta qiyməti 90 dollar olduğu üçün ÜDM-də 2,8% səviyyəsində kəsir yaranıb. "Fitch Ratings" agentliyi hesab edir ki, daha yumşaq məzənnə neft gəlirlərinin azalmasından gələn zərbəni yumşaldacaq. Hökumət qarşıdakı əhəmiyyətsiz layihələrin reallaşdırılmasını ləngidərək infrastruktur xərclərini çox yüksək səviyyədən aşağı salmalıdır. Bu addımlar büdcə kəsirinin qarşısını ala bilər.

Agentlik bildirir ki, ölkədə iqtisadi artım yanvar ayında 4,4% təşkil edib. Bu artım daha çox qeyr-neft sektorunun payına düşüb. Proqnozlaşdırılır ki, 2015-ci ildə artım tempi 1,5% azalacaq. Çünki manatın devalvasiyası ev təsərrüfatlarının istehlakının artımını zəiflədəcək. Neft istehsalı və neft qiymətlərinin sabitləşməsi 2016-cı ildə iqtisadi artım 3,5%-ə qədər çatacaq.

Cia.az




Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.