ABŞ-da nəzarətsiz olan üç yaşlı oğlan avtomobildə bir yaşlı bacısına tapançadan atəş açıb. İnsident ötən axşam Florida ştatının Venis şəhərində baş verib.
“Uşaqların nəzarətsiz olması faciə ilə nəticələnib. Üç yaşlı uşaq avtomobildə tapança aşkarlayaraq atəş açıb, nəticədə bir yaşlı uşaq yaralanıb”, deyə şəhər polis idarəsinin nümayəndəsi Vins Mayer bildirib. Başından yaralanan uşaq təcili xəstəxanaya çatdırılıb, həkimlər onun həyatını xilas edə bilib.
Hadisə baş verən an uşaqların anası avtomobildə olmayıb. Baş vermiş hadisəyə görə, qadın hələlik cinayət məsuliyyətinə cəlb olunmayıb.
Qeyd edək ki, ABŞ-da mütəmadi oxşar hadisələr baş verir. Yanvarın sonlarında ABŞ-ın Missuri ştatında 5 yaşlı uşaq təsadüfən tapança ilə 9 aylıq qardaşını güllələyib.
Faciə bazar ertəsi Kanzas Siti şəhərində baş verib.
Yerli mətbuatın məlumatına görə, mənzildə tapança aşkarlayan uşaq silahı kiçik qardaşına tuşlayıb və təsadüfən atəş açıb. Körpə aldığı ağır yaradan hadisə yerində ölüb. Polis baş vermiş insidentin bədbəxt hadisə olduğunu bildirib.
Xatırladaq ki, dekabrın sonlarında ABŞ-ın Aydaho ştatında fəaliyyət göstərən Walmart super marketində 2 yaşlı oğlan uşağı təsadüfən anasına atəş açaraq qətlə yetirib.
29 yaşlı qadın aldığı ağır güllə yarasından hadisə yerində keçinib.
Məlumata görə, qadın 4 övladı ilə birlikdə dükanda alış-veriş edərkən, 2 yaşlı oğlu onun əl çantasından xəlvətcə tapançanı çıxarıb və təsadüfən anasına atəş açıb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.