banner
banner

Sosİal

TƏCİLİ! Bakıya giriş-çıxış bağlanır? - MÜHÜM XƏBƏR

TƏCİLİ! Bakıya giriş-çıxış bağlanır? - MÜHÜM XƏBƏR

COP-29 sammiti ərəfəsində bəzi rayonlardan Bakıya girişin qadağan olunması ilə bağlı iddialar yayılıb. Sosial mediada və bəzi xəbər portallarında bu mövzu geniş müzakirə edilir. Bildirilir ki, təhlükəsizlik tədbirlərinin gücləndirilməsi və sammitin problemsiz keçməsi məqsədilə belə məhdudiyyətlər tətbiq oluna bilər.

Bu iddialar isə həm paytaxtda yaşayanlar, həm də rayonlardan gələn vətəndaşlar arasında geniş müzakirə olunur. Rəsmi qurumlar bu mövzuda hələlik hər hansı açıqlama verməsə də, məsələnin aktuallığı getdikcə artır.

Bəs, görəsən, təhlükəsizlik tədbirlərinin gücləndirilməsi məqsədilə COP-29 tədbiri ərəfəsində Bakıya girişə məhdudiyyətlər tətbiq oluna bilərmi?

Məsələ ilə bağlı Milli Məclisin Vl çağırış deputatı Ceyhun Məmmədov News24.az-a açıqlamasında bildirib ki, COP-29 sammiti ölkəmiz üçün olduqca əhəmiyyətli bir tədbirdir və onun təhlükəsiz keçirilməsi üçün hər bir şey təmin olunacaq:

“Bu kimi məsələlərlə bağlı rəsmi dövlət qurumlarının rəyini gözləməliyik. COP-29 böyük bir mötəbər tədbirdir. Bu ərəfədə ölkəmizə çoxlu qonaqların gəlməsi planlaşdırılır. Onların rahat şəkildə qarşılanıb yola salınması ilə bağlı dövlət qurumları olduqca sıx və ciddi rejimdə işləyəcək. Dövlətimiz bu tədbirə kifayət qədər ciddi hazırlaşıb. Hesab edirəm ki, Bakıya girişin qadağan olunması irəliləyən zamanlarda prosesin gedişatından asılı olacaq”.

Deputat qeyd edib ki, əgər COP-29 sammitinin kifayət qədər təhlükəsiz və şəffaf keçirilməsi üçün belə bir qərarın qəbul olunmasına zərurət yaranarsa, bu baş verə bilər. Onun sözlərinə görə, sadəcə bu tədbir zamanı yox, ümumiyyətlə rayonlardan gələn avtomobillərin Bakıya buraxılmasında bəzi məsələlərə baxılmalıdır:

“Bu gün vaktiki olaraq şəhərdə çox sıxlıq var, avtomobil idarə etmək olmur. Rayondan, kənardan gələn avtomobillər üçün böyük bir dayanacağın yaradılması lazımdır. Yəni şəhər daxilində sadəcə metro və avtobuslardan istifadəyə üstünlük verilməlidir. Bakı şəhərində nəqliyyatla bağlı çox ciddi problemlər var. Nəqliyyatla bağlı müəyyən addımlar atılmalıdır”.

Ceyhun Məmmədov əlavə edib ki, Bakının nəqliyyat problemi ilə bağlı yaxın zamanlarda addımlar atılmazsa, bu məsələ getdikcə daha da çətinləşəcək. Bu anlamda müyyən yeniliklərə ehtiyac var. Ümid edirik, hazırki sıxlığın aradan qaldırlması üçün geniş layihələr tərtib olunacaq və real addımlar atılacaq.



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.