AZAL Təl-Əvivə uçuşları dayandırdı - Rəsmi açıqlama
Azərbaycanın milli aviadaşıyıcısı AZAL İsraildə baş verən son hadisələr və təhlükəsizlik məsələləri ilə əlaqədar Bakıdan Ben Qurion Hava Limanına (Təl-Əviv) və əks istiqamətdə reysləri dayandırıb.
Bunu Axar.az-ın sorğusuna cavab olaraq AZAL-ın mətbuat xidmətindən bildirilib.
Məlumata görə, Təl-Əvivə aviabiletləri olan sərnişinlər vəsaitlərini tam geri ala və ya biletlərini başqa reysə cəriməsiz dəyişə bilərlər.
“Bakı-Təl-Əviv-Bakı marşrutu üzrə uçuşların bərpası ilə bağlı əlavə məlumat vəziyyətdən asılı olaraq açıqlanacaq. Aviaşirkət hər hansı dəyişiklik barədə dərhal sərnişinləri məlumatlandıracaq. Sərnişinlər yeniliklər barədə xəbərdar olmaq üçün AZAL-ın Çağrı mərkəzinə müraciət edə bilərlər: [email protected]. Uçuşların və sərnişinlərin təhlükəsizliyi AZAL üçün bir nömrəli prioritetdir”, - qurumdan bildirilib.
Prezident İlham Əliyev və birinci xanım Mehriban Əliyeva mayın 9-da 150 çarpayılıq Cəbrayıl Rayon Mərkəzi Xəstəxanasının binasının tikintisi ilə tanış olublar.
Pandemiya dövründən etibarən bağlı qalan Azərbaycan–Gürcüstan quru sərhədlərinin nə vaxt açılacağı məsələsi yenidən gündəmə gəlib. Xüsusilə, yay mövsümünün yaxınlaşması və vətəndaşların Gürcüstan üzərindən digər ölkələrə daha rahat səfər etmək istəyi bu mövzuya marağı artırır. Uzun müddətdir tətbiq olunan məhdudiyyətlərin davam etməsi isə cəmiyyətdə müxtəlif suallar doğurur.
Azərbaycanda ailə quranların sayının kəskin azalması narahatlıq doğurub. Politoloq Turab Rzayev bu ilin yanvar-fevral aylarındakı statistikaya – ailə quranların sayının əhalinin hər 1000 nəfərinə nisbətdə 3,2-yə düşməsinə diqqət çəkərək, bunu “demoqrafik fəlakət” adlandırıb.
