Cia.az xəbər verir ki, Səudiyyə Ərəbistanında leysanlar sellərə səbəb olub. Müqəddəs Məkkə və Mədinə də daxil olmaqla, ölkənin bir sıra şəhərləri güclü yağışlardan sonra suyun altında qalıblar. Küçələrdə sellər axır, yağış suları infrastruktura və yaşayış binalarına zərər vurub. Məkkədə iqlim təhlükəsinin qırmızı səviyyəsi elan olunub. Ölkənin paytaxtı Ər Riyad şəhərində, həmçinin Əsir və Cazan vilayətlərində narıncı təhlükə səviyyəsi elan edilib. Sakinlərə ehtiyatlı olmaq çağırışı edilib. Sinoptiklərin proqnozlarına görə, yağışlı hava şəraiti bir neçə gün də davam edəcək. Səudiyyə Ərəbistanının xilasetmə xidmətləri gücləndirilmiş rejimdə işləyirlər. Sosial şəbəkələrdə yayılan videolarda avtomobillər küçədən axan sularda üzür. Hürr Tərcüman
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.