banner
banner

Gündəm

Bu vəzifəni də Samir Şərifov icra edəcək

Bu vəzifəni də Samir Şərifov icra edəcək

Azərbaycan ilə Belarus arasında iqtisadi əməkdaşlıq üzrə birgə hökumətlərarası komissiyanın sədri dəyişib.

Cia.az xəbər verir ki, bu, Prezident İlham Əliyevin müvafiq Sərəncamında əksini tapıb.

Sərəncama əsasən, Komissiyanın sədri artıq Samir Şərifov olacaq. İndiyə qədər komissiyaya Əli Əhmədov sədrlik edirdi.

Eyni zamanda digər sərəncamla Azərbaycan və Tacikistan arasında ticarət-iqtisadi əməkdaşlıq məsələləri üzrə birgə Hökumətlərarası Komissiyanın sədri də dəyişib. Komissiyanın sədri Samir Şərifov olacaq. İndiyə qədər bu vəzifəni Azərbaycanın ekologiya və təbii sərvətlər naziri icra edirdi.

Azərbaycan və Tacikistan arasında ticarət-iqtisadi əməkdaşlıq məsələləri üzrə birgə Hökumətlərarası Komissiyanın üzvlərinin sayı da artırılıb. Siyahıya Azərbaycan ekologiya və təbii sərvətlər nazirinin müavini və Azərbaycan Nazirlər Kabineti Aparatının Beynəlxalq əməkdaşlıq şöbəsinin müdiri də əlavə edilib.

Həmçinin, “Azərbaycan ilə Qırğız Respublikası arasında iqtisadi və humanitar sahələrdə əməkdaşlıq üzrə birgə hökumətlərarası komissiyanın Azərbaycan tərəfindən tərkibi haqqında” Sərəncama edilən dəyişikliklə Komissiyanın sədri vəzifəsi Samir Şərifova həvalə edilib. Komissiyanın üzvləri sırasına isə Azərbaycan rəqəmsal inkişaf və nəqliyyat nazirinin müavini əlavə edilib.

Prezident İlham Əliyevin Sərəncamı ilə Azərbaycan Hökuməti və Çexiya Hökuməti arasında iqtisadi, elmi-texniki və mədəni əməkdaşlıq üzrə Qarışıq Komissiyanın sədri də dəyişib. Komissiyanın sədri vəzifəsi Azərbaycan iqtisadiyyat nazirinin müavini Anar Axundova həvalə edilib. İndiyə qədər bu vəzifəni Sahib Məmmədov icra edirdi.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.