Rusiya ordusu bu gecə Ukraynanın paytaxtı Kiyevə raket və pilotsuz uçuş aparatları ilə hücum təşkil edib.
Cia.az xəbər verir ki, nəticədə azı 4 nəfər həlak olub, təxminən 20 nəfər müxtəlif dərəcəli xəsarətlər alaraq xəstəxanaya yerləşdirilib.
Kiyev meri Vitali Kliçko hadisə ilə bağlı açıqlamasında bildirib ki, Solomyanskiy rayonundakı çoxmərtəbəli yaşayış binasında baş verən partlayış və yanğın ciddi dağıntılara yol açıb. Bundan əlavə, şəhərin metro xətti və enerji şəbəkəsinə də ziyan dəyib.
Hücumlar yerli vaxtla gecə saat 1 radələrində başlayıb və şəhər sakinləri ardıcıl partlayış səsləri eşidiblər.
Ukrayna Hərbi Hava Qüvvələrinin verdiyi məlumata görə, hücum zamanı “Şahed” modelinə aid kamikadze dronlardan və qanadlı raketlərdən istifadə olunub. Hadisə yerinə yanğınsöndürmə və təcili tibbi yardım xidmətləri cəlb olunub.
Hazırda xilasedicilər dağıntılar altında qalan insanları tapmaq üçün axtarış əməliyyatlarını davam etdirirlər. Rəsmi qurumlar əhalini təhlükəsizlik qaydalarına riayət etməyə və sığınacaqlarda qalmağa çağırıb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.