Ölkədə fəaliyyət göstərən ali təhsil müəssisələrinə qəbul aparıldıqdan sonra hər il 20-35 min arasında abituriyent müsabiqədən kənarda qalır və onlardan bəziləri xaricdə təhsil almağa üz tutur. Əksəriyyət isə attestatla xaricdə təhsilə üstünlük verir.
Bu sözləri Axar.az-a açıqlamasında təhsil eksperti Elçin Əfəndi xaricdə attestatla ali məktəbə qəbul olunan tələbələrlə bağlı danışarkən deyib.
Elçin Əfəndinin sözlərinə görə, attestatla qəbul aparan və keyfiyyətli təhsil verən universitetlərin sayı azdır:
“Dünya reytinqində yer alan bir neçə universitet istisna olmaqla, bu ali məktəblərin böyük əksəriyyəti tanınmır. Bu isə o universitetlərin məzunlarının diplomlarının tanınması ilə bağlı ciddi problemlər yaradır. Azərbaycanda qiyabi təhsil ümumiyyətlə tanınmır. Halbuki belə tələbələrin böyük əksəriyyəti qiyabi və ya distant formada oxuyur və nəticədə diplomları Azərbaycan Elm və Təhsil Nazirliyində təsdiqlənmir. Bu isə onların iş tapmaq imkanlarını məhdudlaşdırır”.
Ekspert əlavə edib ki, bu vəziyyət yalnız təhsil sisteminə deyil, həm də ölkənin iqtisadi və sosial sahələrinə təsir göstərir:
“Bu səbəbdən gənclər xaricdə təhsil almaq qərarı verərkən yüz ölçüb, bir biçməlidirlər. Ən yaxşı yol dövlət proqramı ilə təhsil almaqdır. Dövlət proqramına qoşula bilməyənlər isə əyani təhsilə üstünlük verməli, qəbul prosesindən keçməlidirlər”.
Müəllimlərin sertifikatlaşdırma nəticələrinin onların dərs yükünün müəyyənləşdirilməsinə təsiri təhsil ictimaiyyətində müzakirə olunan məsələlərdəndir. Yüksək nəticə göstərən müəllimlərə daha çox dərs saatının verilməsi, aşağı bal toplayanların isə dərs yükünün azaldılması ilə bağlı vahid yanaşmanın olub-olmaması sual doğurur. Xüsusilə dərs saatlarının müəllimlərin aylıq əməkhaqqına birbaşa təsir etməsi məsələnin aktuallığını daha da artırır.
2026-cı il üzrə müəllimlərin sertifikatlaşdırılması prosesində ən yüksək uğur göstəricisi texnologiya fənnini tədris edən müəllimlər arasında qeydə alınıb.
Yeni tədris ilinin başlanmasına iki aydan çox vaxt qalsa da, valideynləri indidən maraqlandıran əsas məsələ məktəbli formalarının qiymətidir. Bəs bu il qiymətlərdə dəyişiklik gözlənilir?
Ali təhsil müəssisələrinin magistraturalarına 14 iyun 2026-cı il tarixində keçirilmiş qəbul imtahanının (II cəhd, təkrar) yekun nəticələrini elan edilib.
Bakı Şəhər Dövlət Yol Polisi İdarəsi qarşıdan gələn “Son zəng” tədbirləri ilə əlaqədar avtomobil icarəsi fəaliyyəti ilə məşğul olan hüquqi və fiziki şəxslərə müraciət edərək onları məsuliyyətli olmağa çağırır.
