20 nəfərin tüstüdən zəhərləndiyi məktəblə bağlı yeni AÇIQLAMA
Şirvan-Salyan Regional Təhsil İdarəsi tabeliyində olan təhsil müəssisələrinin maddi-texniki bazasının gücləndirilməsi, müasir avadanlıqlarla təmin olunması, yeni binaların tikilməsi və mövcud binaların təmir edilməsi İdarənin əsas prioritetləri arasındadır.
Cia.Az APA-ya istinadən xəbər verir ki, bu barədə idarədən məlumat verilib.
"Salyan rayonu Yuxarı Noxudlu kəndi tam orta ümumtəhsil məktəbinin mövcud vəziyyətindən xəbərdarıq. Adıçəkilən təhsil müəssisəsinin təmiri və tikintisi ilə bağlı məsələ qeydiyyata alınıb. Qeyd edirik ki, təhsil müəssisələrinin təmiri və tikintisi növbəlilik və prioritetlik əsasında həyata keçirilir. Hazırda təhsil müəssisəsinin istilik təchizatı müvəqqəti olaraq odun sobaları ilə həyata keçirilir. Yuxarı Noxudlu məktəbi də daxil olmaqla yaxın günlərdə 5 təhsil müəssisəsinin mavi yanacaqla təchizatı başa çatacaq və istilik təchizatı mərkəzləşdirilmiş qaydada həyata keçiriləcək. Təhsil müəssisələrinin mütəmadi olaraq qazla təchiz edilməsi, cari və əsaslı təmirə ehtiyacı olan müəssisələrin müəyyənləşdirilməsi və bu sahədə müvafiq tədbirlərin görülməsi Məktəbəqədər və Ümumi Təhsil üzrə Dövlət Agentliyinin ciddi nəzarətindədir", - məlumatda qeyd olunub.
Qeyd edək ki, dekabrın 5-i sözügedən məktəbdə 20 nəfər (14 şagird, 6 əməkdaş) məktəbi qızdırmaq üçün istifadə olunan yanacağın tüstüsündən zəhərlənərək xəstəxanaya yerləşdirilib. İlkin tibbi yardım göstərildikdən sonra onların hər biri evə buraxılıb.
Valideynlərin uşaqların təhsili ilə bağlı problemlərindən biri də bağça məsələsidir. Xüsusən işləyən şəxslər mütləq ki, övladlarını bağçaya qoyurlar. Amma problem ondadır ki, paytaxtınb bəzi ərazilərində dövlət bağçaları ya azdır, ya da yer tapmaq müşkül məsələdir. Özəllər isə ən yaxşı halda150 manatdan 2000-3000 manata qədər dəyişir. Elə uşaqlar var ki, onların bağçaya getməsi xüsusi önəm kəsb edir, amma valideynin ödənişi verməyə imkanı yoxdursa, olan yenə uşağa olur.
Azərbaycanda ali təhsil pillələrinin müddətinin azaldılması ilə bağlı müzakirələr artıq bir neçə ildir gündəmdədir. Növbəti dövrdə bakalavr təhsilinin 3 ilə, magistratura təhsilinin isə 1 ilə endirilməsi ilə bağlı qərarın qəbul olunması istisna edilmir.
Nazir Emin Əmrullayevin bu sözlərini orta məktəblərdə keyfiyyətli müəllimlərin olmasının vacibliyi, həmçinin şagirdləri öyrətmək istəməyən və ya öyrətmə potensialına malik olmayan müəllimlərin orta ümumitəhsil məktəblərində istənilməməsi kimi şərh etmək olar.
Quba şəhəri Azad Məmmədov adına 2 nömrəli Təbiət fənləri təmayüllü məktəb-liseydə çalışan müəllimin direktor Lalə Ənvər qızı Bədəlova barəsində səsləndirdiyi iddialar ictimai müzakirələrə səbəb olub.
Elm və Təhsil Nazirliyi tərəfindən elan olunan özəl məktəbəqədər təhsil müəssisələri üçün qrant müsabiqəsi üzrə nəticələr müəyyənləşib. Belə ki, 63 özəl məktəbəqədər təhsil müəssisəsi müsabiqənin qalibi olub.
İranda hava çirkliliyinin kritik həddə çatması səbəbindən bir sıra şəhərlərdə məktəblər və digər təhsil müəssisələri müvəqqəti olaraq bağlanıb. Bu vəziyyət Azərbaycanda da oxşar tədbirlərin görülüb-görülməyəcəyi sualını gündəmə gətirib.
