“Müddətli həqiqi hərbi xidmət zamanı səhhətində problem yaranaraq “yararsız” hesab edilən və vaxtından əvvəl tərxis olunan şəxslərə müəyyən ödənişlər həyata keçirilir. Bu ödənişlər kompensasiya deyil, əsasən sığorta mexanizmi vasitəsilə təmin olunur”.
Bu fikirləri hərbi ekspert Üzeyir Cəfərov KONKRET.az-a açıqlamasın da səsləndirib.
“Xidmət dövründə əsgər və ya çavuşun səhhətində problem yaranırsa, o, hərbi-həkim komissiyası tərəfindən müayinədən keçirilir və sağlamlıq vəziyyətinə uyğun olaraq qərar verilir. Əgər hərbi qulluqçu sülh dövründə yararsız, müharibə dövründə qismən yararlı və ya hər iki dövrdə yararsız hesab olunarsa, o, vaxtından əvvəl hərbi xidmətdən tərxis edilir. Bu halda həmin şəxslərə sığorta ödənişi tətbiq olunur”.
Üzeyir Cəfərov qeyd edib ki, belə hallarda təxminən 6 min manat civarında birdəfəlik sığorta ödənişi edilir. Bundan əlavə, hərbi qulluqçuya “yararsız” diaqnozu qoyulduqdan sonra əlillik təyin edilərsə, ona əlillik dərəcəsinə uyğun olaraq pensiya da verilir.
“Həyatını itirən hərbi qulluqçular üzrə sığorta ödənişi təxminən 11 min manat civarındadır. Ödənişlər Əmək və Əhalinin Sosial Müdafiəsi Nazirliyinin tabeliyində fəaliyyət göstərən tibbi-sosial ekspert komissiyasının qərarı əsasında həyata keçirilir.
Çağırışçı xidmət dövründə sağlamlığını itirdikdə əvvəlcə diaqnoza uyğun birdəfəlik sığorta ödənişi edilir, daha sonra əlillik təsdiqlənərsə, aylıq pensiya təyin olunur”.
Hərbi ekspert əlavə edib ki, bu ödənişlər kompensasiya xarakteri daşımır və əsas məqsəd sağlamlığını itirən şəxslərin sosial təminatına dəstək verməkdir. O, gənclərin sağlam şəkildə hərbi xidmət keçməsi üçün daha təhlükəsiz şəraitin yaradılmasının vacibliyini də vurğulayıb.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
