Brent markalı neftin qiyməti 19 mart 2026-cı ildən bəri ilk dəfə 115 dollar həddini keçib.
Cia.az xəbər verir ki, bu barədə Londonun ICE birjasında aparılan ticarətin nəticələri göstərir.
Məlumata görə, qiymət artımı qlobal enerji bazarında artan gərginlik və təkliflə bağlı narahatlıqlarla əlaqələndirilir. Analitiklər bildirir ki, geosiyasi risklərin yüksəlməsi neftin qiymətinə birbaşa təsir edir.
Ekspertlərin fikrincə, qiymətlərin bu səviyyəyə qalxması dünya bazarlarında enerji xərclərinin artmasına və bir sıra ölkələrdə inflyasiya təzyiqinin güclənməsinə səbəb ola bilər.
Ənsər-Allah-ın Bab-əl Məndəb boğözında tankerlərə hücumu, ABŞ-ın İranın əsas neft ötürülən Xarq adasını tutmaq planlarına dair məlumatlar, həmçinin Novorossiyskdə Ukrayna hücumları nəticəsində Qazaxıstan neftini dünya bazarına ötürən Xəzər Boru Konsorsiumunun terminallarında fəaliyyətin dayandırılması dünya neft bazarında qiymətlərin daha sürətlə yüksəlməsinə səbəb olub.
Şənbə və bazar günləri ərzində ABŞ-la İran arasında hərbi toqquşmaların kəskinləşməsi, Hörmüzdə gəmilərin hərəkətinə təhdidlərin artması fonunda neft bazarı yeni həftəyə ciddi qiymət artımı ilə başlayıb.
Azərbaycan avtomobil bazarında maşının "tez satılması" (likvidliyi) onun ikinci əl dəyərini nə dərəcədə qorumasından, ehtiyat hissələrinin tapılma tezliyindən, usta sayından və yanacaq sərfiyyatından birbaşa asılıdır. Son dövrlərdə rəsmi tənzimləmələr (məsələn, 10 ildən köhnə avtomobillərin ölkəyə gətirilməsinin məhdudlaşdırılması) və hibrid/elektrik texnologiyalarına maraq bazardakı "ən sürətli satılanlar" siyahısını ciddi şəkildə yeniləyib.
