İstanbulda keçirilən görüşdə Ukrayna prezidenti Volodimir Zelenski ilə Türkiyə prezidenti Rəcəb Tayyib Ərdoğan ikitərəfli münasibətləri, Avropa və Yaxın Şərqdəki vəziyyəti müzakirə ediblər.
Cia.az xəbər verir ki, tərəflər təhlükəsizlik sahəsində yeni addımlar, eləcə də qaz infrastrukturu və birgə enerji layihələri ilə bağlı məsələləri də gündəmə gətiriblər.
Zelenski sosial şəbəkə hesabında yazıb ki, görüş zamanı Türkiyəyə təklif edə biləcəkləri sahələr - ekspertiza, texnologiya və təcrübə üzərində ayrıca dayanılıb.
Onun sözlərinə görə, birgə işləmək üçün prinsipial siyasi iradə mövcuddur və yaxın günlərdə komandalar detalları yekunlaşdıracaqlar.
Ukrayna lideri həmçinin bildirib ki, tərəflər qaz infrastrukturu sahəsində birgə layihələrin icrası və qaz yataqlarının ortaq işlənməsi imkanlarını da müzakirə ediblər.
Türkiyə prezidenti Rəcəb Tayyib Ərdoğan isə bəyan edib ki, Ankara Ukraynadakı vəziyyətin nizamlanması üzrə danışıqlar prosesinə dəstəyini davam etdirəcək. O, həmçinin Qara dənizdə gəmiçiliyin təhlükəsizliyinə böyük önəm verildiyini vurğulayıb.
Səfər çərçivəsində Volodimir Zelenski İstanbulda Ümumdünya İstanbul Patriarxlığını da ziyarət edib və Patriarx Varfolomey ilə görüşüb.
Prezident İlham Əliyev “Rəqabətin inkişafına və inhisarçılıq fəaliyyətinin qarşısının alınmasına dair 2027-2029-cu illər üzrə Milli Fəaliyyət Planı”nı təsdiq edib.
“Ötən il tarixi Vaşinqton sammitindən sonra Prezident İlham Əliyev bildirib ki, Azərbaycan üçün sülh artıq baş verib. Sonrakı mərhələdə Azərbaycan tərəfindən önəmli addımlar atıldı”.
Azərbaycan Prezidenti İlham Əliyev Bakıda keçirilən "Şəhərlərin bərpası üçün humanitar minatəmizləmə: Təhlükəsiz yaşayış məskənləri üçün mükəmməllik standartlarının müəyyənləşdirilməsi" mövzusunda 4-cü Beynəlxalq Minatəmizləmə Konfransının iştirakçılarına müraciət ünvanlayıb.
Azərbaycan Prezidenti İlham Əliyev Vyetnam Kommunist Partiyasının Mərkəzi Komitəsinin Baş katibi, Vyetnam Sosialist Respublikasının Prezidenti To Lama təbrik məktubu ünvanlayıb.
Azərbaycan Prezidenti İlham Əliyev Bişkekdə Şanxay Əməkdaşlıq Təşkilatı sammiti (ŞƏT) çərçivəsində Rusiya Prezidenti Vladimir Putinlə ayaqüstü söhbət edib.
Prezident İlham Əliyev Şanxay Əməkdaşlıq Təşkilatının Bişkekdə keçiriləcək sammitində iştirak etmək üçün Qırğızıstana yola düşüb. Dövlət başçısının səfərini işıqlandıracaq Azərbaycan jurnalistləri də artıq Bişkekə gediblər.
