Milyardlıq dərmanlar işə yaramadı — Tibbdə qalmaqal
Altsheymer xəstəliyinin müalicəsində inqilab kimi qiymətləndirilən yeni nəsil dərmanlar xəstələrin real vəziyyətində gözlənilən dəyişikliyi yaratmayıb. Tibb dünyasının ən nüfuzlu təşkilatlarından biri olan "Cochrane" tərəfindən aparılan genişmiqyaslı təhlillər bu preparatların klinik baxımdan əhəmiyyətli fayda vermədiyini üzə çıxarıb.
Bu barədə "Agence France-Presse" (AFP) məlumat yayıb. Araşdırma çərçivəsində 20 mindən çox insanın iştirak etdiyi 17 klinik sınağın nəticələri təhlil edilib. Diqqət mərkəzində beyni amiloid qatlarından təmizləyən və ABŞ ilə Avropa İttifaqında rəsmi təsdiq almış lekanemab və donanemab kimi bahalı dərmanlar olub.
Məlum olub ki, dərmanlar beyindəki zərərli zülalları azaltsa da, bu proses xəstəliyin gedişatını nəzərəçarpacaq dərəcədə ləngitmir. Radbaud Universitet Tibb Mərkəzinin əməkdaşı Edo Riçard bildirib ki, amiloidlərin təmizlənməsinin avtomatik olaraq sağalma gətirəcəyi fikri artıq şübhə altındadır. Üstəlik, bu müalicə üsulu beyin ödemi və qanaxma kimi ciddi yan təsirlərlə müşayiət olunur. Məhz bu risklərə və yüksək xərclərə görə Böyük Britaniya və Fransa kimi ölkələrin dövlət səhiyyə sistemləri həmin dərmanların tətbiqindən imtina edib.
Lakin bəzi britaniyalı alimlər bu hesabatı tənqid edərək fərqli yanaşmaların olduğunu müdafiə edirlər. Buna baxmayaraq, mövcud vəziyyət Altsheymer xəstəliyinin müalicəsi üçün tamamilə yeni hədəflərin tapılmasının vacibliyini göstərir.
Yəni, Altsheymer xəstəliyini dayandırmaq üçün hazırlanan yeni və bahalı dərmanlar beyindəki bəzi zəhərli maddələri təmizləsə də, xəstələrin yaddaşını və vəziyyətini real olaraq yaxşılaşdırmır.//Demokrat.az
Mərkəzdə yalnız tibbi müdaxilə deyil, eyni zamanda elmi əsaslı psixoterapiya metodları geniş tətbiq edilir. Buraya Koqnitiv-davranış terapiya (CBT) – asılılıq davranışının dəyişdirilməsi, Motivasional müsahibə (Motivational Interviewing) – daxili motivasiyanın gücləndirilməsi,qrup terapiyaları və ailə terapiyası aiddir.
Tibbi xidmətlərin göstərilməsi zamanı yol verilən yanlışlıqlar, səhv diaqnozlar və ya qeyri-peşəkar müdaxilələr nəticəsində vətəndaşların sağlamlığına zərər dəyməsi halları hüquqi müstəvidə ciddi şəkildə araşdırılan mövzulardandır. Pasiyentlərin səhiyyə müəssisələrinə və ya birbaşa tibb personalına qarşı hüquqi mübarizə aparması kifayət qədər mürəkkəb, həmçinin uzunmüddətli prosedurlar zəncirini əhatə edir. Bu cür mübahisələrdə ən kritik məqam həkim səhvi ilə yaranan fəsad arasında birbaşa səbəb-nəticə əlaqəsinin mövcudluğunu tam subut etməkdir. Bu proses isə müalicə tariçəsi, analiz nəticələri, rentgen və digər tibbi sənədlərin ekspertlər tərəfindən dərindən araşdırılmasını, xüsusi rəylərin alınmasını zəruri edir. Çünki hüquqi baxımdan əsaslı sübutlar olmadan qarşı tərəfin məsuliyyətini müəyyən etmək qeyri-mümkündür.
Böyük Britaniyanın Kembric Universitetinin alimləri süni intellektin köməyilə hazırlanan yeni nəsil peyvəndi ilk dəfə insanlar üzərində sınaqdan keçirməyə başlayıblar.
Tarif Şurasının son qərarı ilə 184 dərman vasitəsinin qiymətinin yuxarı həddi yenidən tənzimlənib. Qərara əsasən, dərmanların topdan və pərakəndə satış qiymətlərinin yuxarı həddi təsdiqlənib və yeni qiymətlər müəyyən edilmiş tarixlərdə qüvvəyə minəcək. Bəs bu dəyişikliklər apteklərdə və alıcıların büdcəsində necə əks olunur?
TƏBİB tabeli tibbi müəssisələrində bu gün – ayın 1-də ilk dəfə olaraq bütün tibb müəssisələrinə əməkhaqları tam şəkildə köçürülüb. Qeyd edək ki, uzun müddət idi, tibb işçilərinin maaşlarının gecikdirilməsi ilə bağlı narazılıqlar var idi. Hətta müqaviləyə əsasən maaşı ayın 10-dək verilməli olanların da ödənişlərinin gecikdiyini bildirirdilər. Bununla bağlı Musavat.com-a da çox sayda şikayət daxil olub.
Ümumdünya Səhiyyə Təşkilatı MV Hondius kruiz gəmisində baş verən ölümcül hantavirus yayılmasından sonra ölkələri mümkün yeni yoluxmalara hazır olmağa çağırıb. Təşkilat bildirir ki, virusun inkubasiya dövrünün uzun olması səbəbindən qarşıdakı həftələrdə əlavə halların aşkarlanması mümkündür.
"MV Hondius" kruiz laynerində baş verən epidemiya ilə əlaqəli olduğu ehtimal edilən iki yeni hantavirusa yoluxma halı İspaniyada və Atlantik okeanının cənubundakı Tristan-da-Kunya arxipelaqında qeydə alınıb.
