Həkim yaddaşı "yeyən" ədviyyat barədə xəbərdarlıq etdi
Endokrinoloq Zuxra Pavlova bildirib ki, gündəlik qidalanmada duzun normadan artıq istifadəsi yaddaşa mənfi təsir göstərə bilər.
Onun sözlərinə görə, bu təsir xüsusilə kişilərdə daha qabarıq şəkildə özünü göstərir.
Həkim qeyd edib ki, aparılan araşdırmada 50 yaşdan yuxarı 1208 nəfər altı il ərzində izlənilib və natrium qəbulunun idrak funksiyalarına təsiri qiymətləndirilib. Nəticələr göstərib ki, duzu müntəzəm və yüksək miqdarda qəbul edən kişilərdə epizodik yaddaş daha sürətlə zəifləyir.
Araşdırmaya əsasən, gündə təxminən 3,3 qram və daha çox natrium qəbul edən kişilərdə yaddaş pozğunluğu riski daha yüksək olub. Bu miqdar təxminən 8 qram duza bərabərdir.
Mütəxəssis əlavə edib ki, yüksək duz qəbulu eyni zamanda arterial təzyiqin artması ilə də əlaqəlidir. Yüksək təzyiq isə beyin sağlamlığı üçün əsas risk faktorlarından biri hesab olunur.//E-saglam.az
Mədə yanması və qıcqırma çox vaxt qidaların tərkibindən deyil, onların qəbulu zamanı yol verilən vərdişlərdən qaynaqlanır. Qastroenteroloq Aleksandra Metelina bildirib ki, ən geniş yayılmış yanlışlıqlardan biri yemək yeyərkən eyni zamanda çay içməkdir.
Həkimin sözlərinə görə, qidanı fasilə vermədən maye ilə qəbul etmək mədəyə artıq havanın daxil olmasına şərait yaradır. Bu isə sonradan gəyirmə, yanğı və narahatlıq hissi ilə nəticələnir. Eyni hal yeməyi çox sürətlə yeyən insanlarda da müşahidə olunur. Sürətli qidalanma zamanı udulan hava həzm prosesini çətinləşdirir və sanki keyfiyyətsiz qida yeyilmiş təəssüratı yaradır.
Orqanizm üçün həyati əhəmiyyət kəsb edən vitamin D-nin həddindən artıq qəbulu ciddi sağlamlıq problemlərinə yol aça bilər. Elm adamları qida əlavələrinin populyarlaşması ilə dozanın aşılması hallarının kəskin artdığını bildirirlər.
Yaz fəslində təbiətin oyanması ilə birlikdə müxtəlif təzə göyərtilər də süfrəmizə daxil olur. Bu göyərtilər yalnız dad baxımından deyil, həm də sağlamlıq üçün olduqca faydalıdır.
Mədə yanması və Qastrit zamanı əsas problem mədə selikli qişasının həssaslaşması və turşuluğun artmasıdır. Bu vəziyyətdə düzgün seçilmiş bitki çayları həm iltihabı azalda, həm də yanma hissini yüngülləşdirə bilər. Lakin hər çay faydalı deyil — bəziləri əksinə, vəziyyəti ağırlaşdıra bilər.
Bazarlarda çox vaxt yanından keçdiyimiz, kifayət qədər önəm vermədiyimiz qara kök əslində şəfa mənbəyidir. Tünd bənövşəyi rəngi ilə diqqət çəkən bu tərəvəz son zamanlar qidalanma ekspertlərinin ən çox tövsiyə etdiyi məhsullar siyahısına liderlik edir.
Təzyiq problemi olan insanlar üçün qidalanma rejimi xüsusi əhəmiyyət kəsb edir. Britaniyalı dietoloq Brukvell Uayt "HuffPost" nəşrinə müsahibəsində bildirib ki, ürək-damar xəstəlikləri və yüksək təzyiqdən əziyyət çəkənlər üçün duz miqdarı az olan İsveçrə pendiri və ya azyağlı keçi pendiri daha təhlükəsiz seçimdir.
