Qazaxıstan Nəqliyyat Nazirliyi Aktau hava limanı ətrafında baş vermiş AZAL-a məxsus təyyarə qəzası üzrə araşdırmanın hələ də davam etdiyini açıqlayıb.
Cia.az xəbər verir ki, nazirlikdən verilən məlumata görə, hadisənin səbəblərini müəyyənləşdirmək üçün yaradılmış xüsusi komissiya işini beynəlxalq aviasiya standartlarına uyğun şəkildə aparır. Bildirilib ki, araşdırma prosesi Beynəlxalq Mülki Aviasiya Konvensiyasının müvafiq tələblərinə əsaslanır.
Rəsmi qurum qeyd edib ki, Azərbaycan və Rusiya xarici siyasət idarələrinin açıqlamalarından asılı olmayaraq istintaqın dayandırılması məsələsi gündəmdə deyil və proses plan üzrə davam edir.
Nazirlik həmçinin vurğulayıb ki, təhqiqat yekunlaşdıqdan sonra hazırlanacaq hesabat ictimaiyyət üçün açıq olacaq və qurumun rəsmi internet səhifəsində yerləşdiriləcək. Həmin sənəddə qəzanın səbəbləri, aparılmış araşdırmanın nəticələri və gələcəkdə oxşar halların qarşısını almaq üçün tövsiyələr yer alacaq.
Xatırladaq ki, 2024-cü ilin 25 dekabr tarixində Bakıdan Qroznıya uçuş həyata keçirən AZAL-a məxsus “Embraer 190” tipli sərnişin təyyarəsi Aktau yaxınlığında qəzaya düşmüşdü. Təyyarədə 62 sərnişin və 5 heyət üzvü olub. Hadisə nəticəsində 38 nəfər həyatını itirib, 29 nəfər isə sağ qalıb. İlkin ehtimallara əsasən, qəzanın baş verməsinə səbəb kimi uçuş zamanı xarici texniki təsir göstərilir.
Bundan əlavə, 2026-cı ilin aprel ayında Azərbaycan və Rusiya tərəfləri faciənin nəticələrinin aradan qaldırılması, eləcə də zərərçəkənlərə maddi dəstək göstərilməsi ilə bağlı razılıq əldə ediblər.
2026-cı ilin yanvar-iyun aylarında Azərbaycana gələn əcnəbi və vətəndaşlığı olmayan şəxslərin sayı ötən ilin eyni dövrü ilə müqayisədə 10,3 faiz azalaraq 1 milyon 92,6 min nəfər olub. Xüsusilə körfəz ölkələrindən gələn turistlərin sayında 31,4 faizlik azalma qeydə alınıb.
Sosial şəbəkələrdə azyaşlı uşaqların avtomobillərin ön oturacağında əyləşdirildiyini əks etdirən görüntülər yayılıb. Bu cür hallar ictimai müzakirələrə səbəb olur və uşaqların avtomobildə təhlükəsiz daşınması məsələsini yenidən gündəmə gətirir.
Dünyanın bir sıra ölkələrində süni intellekt və sensor texnologiyaları ilə idarə olunan sürücüsüz avtomobillər artıq real istifadəyə verilib. Xüsusilə taksi xidmətlərində tətbiq edilən bu nəqliyyat vasitələrində sərnişin avtomobilə əyləşir və avtomobil sürücünün iştirakı olmadan təyin olunan ünvana hərəkət edir.
22 iyul millətin intibaha açılan qapısı, milli oyanışının başlanğıcıdır. Məhz bu tarixdə xalq sözünə sahib çıxaraq kimliyini, ana dilini və mənəvi dəyərlərini qorumaq yolunda mühüm addım atdı. 1875-ci ilin 22 iyulunda Azərbaycanda söz rəsmiyyət, tribuna və milli oyanışın ifadəsi oldu. Bütün çətinliklərə və basqılara baxmayaraq böyük maarifpərvər ziyalı Həsən bəy Zərdabi tarixi ilkə imza ataraq “Əkinçi” qəzetini nəşr etdirdi və bununla da Azərbaycan milli mətbuatının təməlini qoydu. Patriarxal mühitin qatı qaranlığında cəhalətə və mövhumata qarşı ideoloji savaş açan Həsən bəy Zərdabi zülməti maarif nuru ilə yararaq xalqın milli özünüdərkinə, azad fikrin formalaşmasına və mütərəqqi ideyaların kök salmasına yol açdı.
ABŞ-ın Arkanzas ştatında yerləşən North Little Rock şəhərinin meri Terri Hartvikin qardaşı ölkə tarixinin ən böyük lotereya uduşlarından birinin sahibi olub. 2025-ci ilin dekabrında keçirilən Powerball tirajında qalib gələn şəxsin Treysi L. Hartvik olduğu rəsmi şəkildə açıqlanıb.
