Rusiyada narkotik və psixotrop maddələr ehtiva edən bitkilərin qanunsuz becərilməsinə görə məsuliyyət nəzərdə tutulur.
Cia.az xəbər verir ki, bu barədə Moskva Ticarət-Sənaye Palatasının mediatoru Yana Kovalevskaya açıqlama verib.
Məlumata görə, Rusiya Federasiyası İnzibati Xətalar Məcəlləsinin 10.5.1-ci maddəsi bu cür bitkilərin qanunsuz yetişdirilməsinə görə cəza tədbirlərini müəyyən edir.
Qeyd olunur ki, geniş yayılmış dekorativ bitkilərdən olan ipomeyanın bəzi növləri də qadağan olunan siyahıya daxildir. Bundan əlavə, aşağıdakı bitkilərin becərilməsi qanunsuz sayılır:
“Havay qızılgülü” kimi tanınan növlər
Salvia divinorum
Psychotria viridis
Erythroxylum coca və digərləri
Ekspertin sözlərinə görə, belə bitkilərin becərilməsi iri həcmdə olarsa, cərimələr 300 min rubla qədər arta bilər. Eyni zamanda 480 saata qədər ictimai işlər, iki ilədək azadlığın məhdudlaşdırılması və ya həbs cəzası tətbiq oluna bilər.
Vurğulanır ki, məsuliyyət yalnız bu cür bitkiləri qəsdən əkən şəxslərə şamil edilir. Bitki sahədə öz-özünə bitərsə, bu halda hüquqi məsuliyyət nəzərdə tutulmur.
Musavat.com
