Mayın 28-də əfv olacaq? – “Komissiya müraciətləri qəbul edir”
“Müstəqillik Günü ərəfəsində əfv sərəncamının verilməsi ehtimalı hazırda yüksək qiymətləndirilmir”.
Bu barədə “Yeni Sabah”a "Konstitusiya" Araşdırmaları Fondunun prezidenti, Əfv komissiyasının üzvü Əliməmməd Nuriyev bildirib.
“Adətən əfv sərəncamından əvvəl komissiyanın iclasları keçirilir, müzakirələr aparılır və müraciətlərə baxılır. Ötən ilin may ayında Prezident əfv sərəncamı imzalamışdı. 2025-ci il, dekabrın sonunda isə Milli Məclis tərəfindən Amnistiya Aktı qəbul edilmişdi. Amnistiya aktının icrasına 4 ay vaxt ayrılıb və bu proses aprelin sonunda başa çatdırılıb. Eyni vaxtda amnistiya və əfv kimi iki oxşar hüquqi mexanizmin paralel tətbiqi praktiki və hüquqi baxımdan məqsədəuyğun hesab edilmir”, - deyə Ə.Nuriyev qeyd edib.
Bununla belə, o vurğulayıb ki, əfv sərəncamı imzalamaq Prezidentin müstəsna konstitusion səlahiyyətidir:
“Dövlət başçısı istənilən vaxt əfv sərəncamı imzalaya bilər və bu məsələdə heç bir məcburi vaxt məhdudiyyəti yoxdur”.
Mətbuat Şurasının sədri və Əfv Komisiyasının üzvü olan Rəşad Məcid də eyni fikirdədir:
“Hazırda Əfv Komissiyasının katibliyi müraciətləri qəbul etməyə və araşdırmağa davam edir, lakin iclaslar keçirilmədiyindən 28 Mayda əfv sərəncamının verilməsi ehtimalı aşağıdır. Son qərar tamamilə dövlət başçısının iradəsindən asılıdır”.
Sosial şəbəkələrdə saxta profillərin artması ciddi narahatlıq doğurur. Mütəxəssislərin və istifadəçilərin fikrincə, bu tip hesabların əsas məqsədi anonim qalaraq dezinformasiya yaymaq, təhqir və qeyri-etik məzmunlu şərhlər yazmaqdır.
"Media orqanları və jurnalistlər müsahibə götürdükləri şəxslərin fikirlərini hissələrə bölərək, müxtəlif sərlövhələrlə təqdim edirlər. Əlbəttə, bu onların müstəsna hüququdur və heç şübhəsiz, geniş izləyici və oxucu auditoriyası toplamağa hesablanıb. Lakin bir çox hallarda bu üsula üstünlük verilməsi müsahiblərdə ciddi narazılıq doğurur. Narazılıq, xüsusən, həmin hissələrin sosial şəbəkələrdə paylaşılması zamanı meydana çıxır".
"Kənd təsərrüfatına mane olan yaşıllıqların götürülməsi üçün icazə tələbinin aradan qaldırılması təklifi qəbul edildikdə bu pozuntuya görə yazılmış, amma icra edilməyən cərimələrə də şamil olunacaq".
Aprelin 30-da saat 14 radələrində Səhiyyə Nazirliyinin Milli Onkologiya Mərkəzində partlayışın baş verməsinə dair Yasamal rayon prokurorluğuna məlumat daxil olub.
