Vaşinqton administrasiyası hesab edir ki, tək-tək insidentlərə baxmayaraq, ABŞ və İran arasında atəşkəs hazırda qüvvədədir.
Cia.az xəbər verir ki, bunu ABŞ-ın vitse-prezidenti J.D. Vens Vaşinqton yaxınlığındakı Endryus Hərbi Hava Qüvvələri Bazasında jurnalistlərin suallarını cavablandırarkən deyib:
"Bildiyiniz kimi, atəşkəslər heç vaxt rahat keçmir. Bəzən aşağı səviyyəli insanlar yuxarı səviyyəli insanlarla ünsiyyət qurmurlar. Bəzən insanlar səhv edirlər. Prezident Donald Tramp açıq şəkildə bildirib ki, əgər bizə atəş açılsa, cavab verəcəyik. Amma münaqişənin hazırkı vəziyyətini beş-altı həftə əvvəlki vəziyyətlə müqayisə etsəniz, düşünürəm ki, Prezidentin yaratdığı atəşkəs tam qüvvədədir".
Vens qeyd edib ki, tərəflər İranın nüvə proqramı ilə bağlı bir neçə məsələni hələ də həll etməyiblər: “Düşünürəm ki, onun (Prezident Donald Trampın-red.) İranla anlaşma memorandumu imzalayıb-imzalamayacağını dəqiq demək çətindir. Mətnlə bağlı bir neçə məsələni müzakirə edirik. Bir neçə nüvə məsələsi var - yüksək dərəcədə zənginləşdirilmiş uran ehtiyatları və zənginləşdirmə. Buna görə də biz bunları onlarla müzakirə edirik".
Vans "iranlıların razılaşma əldə etmək istədiklərinə" əminliyini ifadə edib. "İnanırıq ki, onlar, ən azı indilik, vicdanla danışıqlar aparırlar".
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.