Neft bazarında kəskin eniş: Bakı neftinin qiyməti belə dəyişdi
İtaliyanın Augusta limanında Azərbaycanın "Azeri Light" CIF markalı xam neftinin qiyməti əvvəlki qiymətə nisbətən 2,56 dollar və ya 2,5 faiz azalaraq bir barel üçün 98,01 dollara düşüb.
Cia.az xəbər verir ki, bazar mənbələrinin verdiyi məlumata görə, analoji ucuzlaşma digər marşrutlarda da qeydə alınıb.
Belə ki, Türkiyənin Ceyhan limanında "Azeri Light" FOB markalı xam neftin qiyməti 2,49 dollar və ya 2,5 faiz azalaraq 95,89 dollara enib. Dünya bazarında digər aparıcı neft markalarının da qiymətində geriləmə müşahidə olunub; "Urals" markalı xam neftin qiyməti əvvəlki göstəriciyə nisbətən 3,09 dollar və ya 4,2 faiz azalaraq bir barel üçün 70,78 dollara, Şimal dənizində hasil edilən "Dated Brent" markalı xam neftin bir barelinin qiyməti isə 3,24 dollar və ya 3,3 faiz ucuzlaşaraq 93,56 dollara düşüb.
Qeyd edək ki, mövcud enişlərə baxmayaraq, xam neftin hazırkı satış qiyməti Azərbaycanın 2026-cı il dövlət büdcəsində proqnozlaşdırılan orta hesabla bir barel üçün 65 dollarlıq hədəfdən hələ də xeyli yuxarıdır.
Ənsər-Allah-ın Bab-əl Məndəb boğözında tankerlərə hücumu, ABŞ-ın İranın əsas neft ötürülən Xarq adasını tutmaq planlarına dair məlumatlar, həmçinin Novorossiyskdə Ukrayna hücumları nəticəsində Qazaxıstan neftini dünya bazarına ötürən Xəzər Boru Konsorsiumunun terminallarında fəaliyyətin dayandırılması dünya neft bazarında qiymətlərin daha sürətlə yüksəlməsinə səbəb olub.
Şənbə və bazar günləri ərzində ABŞ-la İran arasında hərbi toqquşmaların kəskinləşməsi, Hörmüzdə gəmilərin hərəkətinə təhdidlərin artması fonunda neft bazarı yeni həftəyə ciddi qiymət artımı ilə başlayıb.
Azərbaycan avtomobil bazarında maşının "tez satılması" (likvidliyi) onun ikinci əl dəyərini nə dərəcədə qorumasından, ehtiyat hissələrinin tapılma tezliyindən, usta sayından və yanacaq sərfiyyatından birbaşa asılıdır. Son dövrlərdə rəsmi tənzimləmələr (məsələn, 10 ildən köhnə avtomobillərin ölkəyə gətirilməsinin məhdudlaşdırılması) və hibrid/elektrik texnologiyalarına maraq bazardakı "ən sürətli satılanlar" siyahısını ciddi şəkildə yeniləyib.
