G7 liderlərindən Ukraynaya böyük dəstək: Rusiyaya qarşı sərt sanksiyalar gəlir
G7 liderləri Fransada keçirilən sammitində Ukraynanı dəstəkləmək və Rusiyaya qarşı sanksiyaları gücləndirmək barədə razılığa gəliblər.
Cia.az xəbər verir ki, bu mövqe liderlərin sammitin yekunlarına dair birgə bəyanatında əksini tapıb:
"Biz, G7 liderləri, Ukraynanın azadlığını, suverenliyini və ərazi bütövlüyünü müdafiə etməkdə ona sarsılmaz dəstəyimizdə birik. Ukraynanın son aylarda döyüş meydanındakı dözümlülüyünə və uğurlarını alqışlayır və yeni bir təkan yarandığını vurğulayırıq".
Cəbhə xəttində bu yeni təkanı sürətləndirmək üçün G7 ölkələri aşağıdakı addımlar barədə razılığa gəliblər:
Hava məkanının gücləndirilməsi: Ukraynaya təcili olaraq hava hücumundan müdafiə sistemlərinin, əlavə zenit sistemlərinin və tutucu raketlərin təchizatını artırmaq.
Düşmən xətlərinin arxasına zərbələr: G7 Ukrayna ordusuna uzaq mənzilli silahların tədarükünü əhəmiyyətli dərəcədə artıracaq.
Hərbi istehsal: Liderlər Ukraynaya xüsusi lisenziyaların verilməsi imkanını nəzərdən keçirməyə hazırdırlar ki, bu da xarici silahların birbaşa Ukrayna zavodlarında qanuni və genişmiqyaslı istehsalına imkan verəcək.
G7 liderləri Ukraynanın qarşıdan gələn qışa hazırlıqlarını xüsusi olaraq vurğulayaraq, ölkənin enerji dayanıqlığını təmin etmək üçün əlavə vəsait və avadanlıq ayırmağı vəd ediblər.
Yekun bəyanatdan aydın olur ki, G7 rəsmi olaraq Rusiya hərbi maşınına iqtisadi təzyiqi artırmağı öhdəsinə götürüb. Qərb liderləri Rusiyanın neft və qaz sektorlarını hədəf alan yeni, güclü sanksiyalar paketi təqdim etməyi planlaşdırırlar.
Maraqlıdır ki, Rusiyaya iqtisadi zərbə Yaxın Şərqdəki dəyişən vəziyyət sayəsində mümkün olub: "Biz Rusiyanın hərbi iqtisadiyyatına təzyiqi artırmağı öhdəmizə götürürük. Bu kontekstdə, xüsusən də neft və qaz sektorlarında sanksiyalarımızı sərtləşdirəcəyik. Hesab edirik ki, indi əlavə tədbirlər tətbiq etmək üçün əlverişli məqamdır, çünki Prezident Tramp Hörmüz boğazının yenidən açılması üçün dəstəklədiyimiz bir razılaşma imzalayıb".
İran neftinin qlobal bazara qayıtması ilə Qərb qlobal enerji böhranı riski olmadan Rusiya yanacaq ixracına qoyulan məhdudiyyətləri tamamilə sərtləşdirmək imkanına malikdir.
Qeyd edək ki, Donald Tramp hakimiyyətə gəldikdən sonra ilk dəfədir ki, ABŞ-ın iştirak etdiyi yüksək səviyyəli görüşdə Ukrayna ilə bağlı belə vahid və Rusiyaya münasibətdə sərt yanaşma əks etdirən sənəd imzalanır. İndiyədək Ukrayna məsələsi ilə bağlı hazırlanan birgə sənədlərdə ABŞ-ın təkidi ilə Rusiyaya qarşı sərt ifadələr, sərt yanaşma əks olunmurdu. G7-nin son sammiti ilk istisna kimi diqqəti cəlb edir.
2026-cı ilin yanvar-iyun aylarında Azərbaycana gələn əcnəbi və vətəndaşlığı olmayan şəxslərin sayı ötən ilin eyni dövrü ilə müqayisədə 10,3 faiz azalaraq 1 milyon 92,6 min nəfər olub. Xüsusilə körfəz ölkələrindən gələn turistlərin sayında 31,4 faizlik azalma qeydə alınıb.
Sosial şəbəkələrdə azyaşlı uşaqların avtomobillərin ön oturacağında əyləşdirildiyini əks etdirən görüntülər yayılıb. Bu cür hallar ictimai müzakirələrə səbəb olur və uşaqların avtomobildə təhlükəsiz daşınması məsələsini yenidən gündəmə gətirir.
Dünyanın bir sıra ölkələrində süni intellekt və sensor texnologiyaları ilə idarə olunan sürücüsüz avtomobillər artıq real istifadəyə verilib. Xüsusilə taksi xidmətlərində tətbiq edilən bu nəqliyyat vasitələrində sərnişin avtomobilə əyləşir və avtomobil sürücünün iştirakı olmadan təyin olunan ünvana hərəkət edir.
22 iyul millətin intibaha açılan qapısı, milli oyanışının başlanğıcıdır. Məhz bu tarixdə xalq sözünə sahib çıxaraq kimliyini, ana dilini və mənəvi dəyərlərini qorumaq yolunda mühüm addım atdı. 1875-ci ilin 22 iyulunda Azərbaycanda söz rəsmiyyət, tribuna və milli oyanışın ifadəsi oldu. Bütün çətinliklərə və basqılara baxmayaraq böyük maarifpərvər ziyalı Həsən bəy Zərdabi tarixi ilkə imza ataraq “Əkinçi” qəzetini nəşr etdirdi və bununla da Azərbaycan milli mətbuatının təməlini qoydu. Patriarxal mühitin qatı qaranlığında cəhalətə və mövhumata qarşı ideoloji savaş açan Həsən bəy Zərdabi zülməti maarif nuru ilə yararaq xalqın milli özünüdərkinə, azad fikrin formalaşmasına və mütərəqqi ideyaların kök salmasına yol açdı.
ABŞ-ın Arkanzas ştatında yerləşən North Little Rock şəhərinin meri Terri Hartvikin qardaşı ölkə tarixinin ən böyük lotereya uduşlarından birinin sahibi olub. 2025-ci ilin dekabrında keçirilən Powerball tirajında qalib gələn şəxsin Treysi L. Hartvik olduğu rəsmi şəkildə açıqlanıb.
