ABŞ-la İranın bir-birinə zərbələr seriyasını davam etdirməsi fonunda dünya neft bazarında qiymətlərin azalması müşahidə olunur.
Cia az xəbər verir ki, İranın limanlarını blokadaya alan ABŞ Hörmüzün Oman hissəsindən neft tankerlərinin keçidini təmin etməsi bu boğazla bazara çıxarılan neft həcmlərinin kəskin azalmasının qarşısını alıb. Bazar neft axınının davam etməsinə qiymət endirimi ilə reaksiya verib.
Londonun ICE birjasında Brent nefti 1 dollar ucuzlaşaraq 84,5 dollara, Nyu-Yorkun NYMEX birjasında WTI nefti isə 0,3 dollar ucuzlaşaraq 79,3 dollara ticarət olunur. Analitiklərə görə, eskalasiyanın dərinləşməsi baş verməsə, qiymətlər 80 dollara qədər düşə bilər.
Ənsər-Allah-ın Bab-əl Məndəb boğözında tankerlərə hücumu, ABŞ-ın İranın əsas neft ötürülən Xarq adasını tutmaq planlarına dair məlumatlar, həmçinin Novorossiyskdə Ukrayna hücumları nəticəsində Qazaxıstan neftini dünya bazarına ötürən Xəzər Boru Konsorsiumunun terminallarında fəaliyyətin dayandırılması dünya neft bazarında qiymətlərin daha sürətlə yüksəlməsinə səbəb olub.
Şənbə və bazar günləri ərzində ABŞ-la İran arasında hərbi toqquşmaların kəskinləşməsi, Hörmüzdə gəmilərin hərəkətinə təhdidlərin artması fonunda neft bazarı yeni həftəyə ciddi qiymət artımı ilə başlayıb.
Azərbaycan avtomobil bazarında maşının "tez satılması" (likvidliyi) onun ikinci əl dəyərini nə dərəcədə qorumasından, ehtiyat hissələrinin tapılma tezliyindən, usta sayından və yanacaq sərfiyyatından birbaşa asılıdır. Son dövrlərdə rəsmi tənzimləmələr (məsələn, 10 ildən köhnə avtomobillərin ölkəyə gətirilməsinin məhdudlaşdırılması) və hibrid/elektrik texnologiyalarına maraq bazardakı "ən sürətli satılanlar" siyahısını ciddi şəkildə yeniləyib.
