Tənhalıq ürək-damar xəstəliklərinin yaranma riskini artıra bilər.
Bu barədə Gazeta.ru-ya bərpa təbabəti üzrə həkim, nevroloq və Sistemli Sağlamlıq Akademiyasının təsisçisi Aleksey Mamatov məlumat verib.
Həkimin sözlərinə görə, bu, tənhalığın xəstəliklərin yeganə səbəbi olduğu anlamına gəlmir. Sağlamlığa həyat tərzi, tibbi yardıma çıxış imkanları və digər amillər də təsir göstərir.
Mamatov qeyd edib ki, az ünsiyyət quran və sosial dəstəkdən məhrum olan insanlar gündəlik rejimə əməl etməkdə, gəzintiyə çıxmaqda, fiziki aktivliyi qorumaqda və zövq aldıqları məşğuliyyətlərə vaxt ayırmaqda daha çox çətinlik çəkə bilərlər. Bu isə orqanizmin ümumi vəziyyətinə mənfi təsir göstərə bilər. Həkim vurğulayıb ki, gündə cəmi 30 dəqiqə gəzmək belə sağlamlıq üçün faydalıdır.
Mütəxəssis uzunmüddətli tənhalığın depressiya və təşviş hallarının yaranma riskinin artması ilə də əlaqəli olduğunu bildirib. Onun fikrincə, insanın dərdini bölüşə və dəstək ala biləcəyi birinin olmaması gündəlik çətinlikləri daha ağır yaşamasına səbəb ola bilər.
Həkim, həmçinin tənhalığın demensiya riskinin artması ilə əlaqələndirildiyini qeyd edib. Bununla belə, ünsiyyət çatışmazlığının hər bir insanda birbaşa demensiyaya səbəb olduğunu söyləmək düzgün deyil. Beyin sağlamlığının qorunmasında sosial əlaqələrlə yanaşı, fiziki aktivlik, damar xəstəlikləri üzrə risk amillərinə nəzarət və eşitmə problemlərinin aradan qaldırılması da mühüm rol oynayır.
Mamatovun sözlərinə görə, sağlamlıq yalnız düzgün qidalanma, yuxu və fiziki aktivlikdən asılı deyil. İnsanın sosial mühiti, dəstək ala bilməsi, çətinliklərini bölüşməsi və maraqlarını başqaları ilə paylaşması da böyük əhəmiyyət daşıyır.
O, insanları daim başqalarının əhatəsində olmağa məcbur etməməyə çağırıb. Əsas məsələ insanın özünü rahat hiss etdiyi və başqaları ilə əlaqə qura bildiyi ünsiyyət formasını tapmasıdır./oxu.az
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.
İsti günlərdə sərinləmək üçün restoranlarda içkilərimizə bol-bol buz əlavə edilməsini istəyirik. Lakin bəzi mütəxəssislər bunun yanlış bir davranış olduğunu bildirir. Mütəxəssislərin açıqlamalarına görə, restoranlarda buzdan imtina etmək üçün çox ciddi və məntiqli səbəblər var.
