banner
banner

İqtİsadİyyat

Taleh Kazımovdan SON DƏQİQƏ AÇIQLAMALARI

Taleh Kazımovdan SON DƏQİQƏ AÇIQLAMALARI

"Ölkəmizin strateji valyuta ehtiyatları 4,1% artaraq, 10 ayın nəticələrinə əsasən 88,6 milyard ABŞ dolları səviyyəsinə çatıb. Bu isə kifayət qədər böyük yastıq deməkdir. Bizim strateji valyuta ehtiyatlarımız 40 aylıq mal və xidmətlərin idxalının ödənilməsinə kifayət edir. Birbaşa xarici dövlət borcunu isə 20 dəfə üstələyir".

Cia.az-in məlumatına görə, bunu Milli Məclisin plenar iclasında "Azərbaycan Respublikasının 2027-ci il dövlət büdcəsi haqqında" qanun layihəsinin müzakirəsi zamanı Azərbaycan Mərkəzi Bankının sədri Taleh Kazımov deyib.

AMB sədri bildirib ki, bu, böyük nailiyyətdir və xarici şoklara qarşı böyük bir yastıqdır:

"Sözsüz ki, bu nəticələri cənab Prezident tərəfindən həyata keçirilən düşünülmüş siyasətin nəticəsində əldə edə bilmişik".

Taleh Kazımov qeyd edib ki, dövlət borcunun müvafiq fiskal qayda ilə müəyyən edilmiş həddən aşağıda saxlanılması növbəti ildə də ölkənin beynəlxalq reytinqlərinə müsbət təsir edəcək:

"Azərbaycan orta müddətli perpektivdə də dünyada dövlət borcunun ən aşağı olduğu ölkələrdən biri olacaq".

AMB sədri bildirib ki, büdcə paketində manatın sabit məzənnəsinin makroiqtisadi çərçivənin başlıca elementlərindən biri kimi qeyd edilməsi məzənnə ilə bağlı gözləntilərə müsbət təsir göstərəcək:

"Mövcud meyillər davam edərsə, hesab edirik ki, fiskal sektorun valyuta təklifi valyuta bazarında tələbin ödənilməsinə kifayət etməlidir. Dövlət xərclərinin konservativ artımı inflyasiya proseslərinin nəzarətdə saxlanılması baxımından da əhəmiyyətlidir. Qiymətləndirmələrimizə görə, 2027-ci ildə gözlənilən büdcə xərclərinin inflyasiyaya təsiri cari xərclər üzrə cəmi +0.34 faiz bəndi olacaq. Əsaslı xərclərin təsiri isə neytral qiymətləndirilir.

Makroiqtisadi hədəflərə nail olunması üçün fiskal siyasətlə pul siyasətinin effektiv koordinasiyası mühüm əhəmiyyət daşıyır. Əvvəlki illərdə olduğu kimi, növbəti ildə də Mərkəzi Bank Maliyyə Nazirliyi ilə valyuta bazarında vəziyyətin tənzimlənməsi və likvidliyin idarə edilməsi sahəsində sıx əməkdaşlığı davam etdirəcək".

Musavat.com



Daha tez məlumatlanmaq üçün Facebook səhifəmizi




Oxşar xəbərlər

Avro və rubl ucuzlaşdı, dollar isə...

Azərbaycan Mərkəzi Bankının bu günə olan rəsmi valyuta məzənnələrinə əsasən, ABŞ dollarının məzənnəsi dəyişməyərək 1,7000 manat olub.

İkinci əl avtomobil almaq istəyənlərə SEVİNDİRİCİ XƏBƏR

Rəsmi dilerlər tərəfindən satılan bəzi ikinci əl avtomobillərin qiymətləri ucuzlaşa bilər. Buna səbəb həmin avtomobillərin satışına tətbiq edilən əlavə dəyər vergisinin (ƏDV) hesablanması qaydasının dəyişdirilməsinin təklif olunmasıdır.

Kartla ödənişdən imtina qanun pozuntusudur? - CƏRİMƏ AÇIQLANDI

Nağdsız ödənişlərin genişlənməsinə baxmayaraq, bəzi obyektlərdə vətəndaşların kartla ödəniş etmək istəyi qəbul edilmir və onlardan yalnız nağd pul tələb olunur. Halbuki qanunvericilik POS-terminal quraşdırılması məcburi olan obyektlər üçün müvafiq tələblər müəyyənləşdirir.