banner
banner

Gündəm

Tamerlan Qarayev 2,43 milyard dollarla qane olmur...

Tamerlan Qarayev 2,43 milyard dollarla qane olmur...

Azərbaycanın İndoneziyadakı səfiri Tamerlan Qarayev bu ölkənin paytaxtı Cakartada keçirilən Respublika Günü mərasimində iki ölkə arasında ticarət və iqtisadi əlaqələrin genişləndirilməsinə çağırıb.

Səfir ötən il iki ölkə arasında ticarət dövriyyəsinin həcminin 2 milyard 430 milyon dollar olduğunu bildirib. Lakin diplomat əlavə edib ki, bu ticarət həcmini daha da genişləndirməyə imkanlar var.

“Biz İndoneziya ilə ikitərəfli münasibətlərin indiki vəziyyətindən şadıq və məmnunuq. Lakin eyni zamanda biz yeni investisiyaların cəlb edilməsi imkanlarını araşdırırıq”- deyə Tamerlan Qarayev bildirib.

İndoneziyanın iqtisadiyyat naziri Sofyan Calil də iki ölkə arasında münasibətlərin inkişafının potensialının olduğunu bildirib: “İndoneziya Azərbaycanla münasibətləri dəyərləndirir. Bizim münasibətlərimizdə müsbət dinamika var, məsələn, ticarətdə. Azərbaycan prezidenti İlham Əliyevin İndoneziyaya səfərini səbrsizliklə gözləyirik”.

Sofyan Calil deyib ki, İndoneziya və Azərbaycan hökumətləri ilin sonuna doğru prezidentlərin qarşılıqlı səfərlərini hazırlayır. Məqsəd ölkələr arasında iqtisadi tərəfdaşlığı genişləndirməkdir.

Azərbaycanın Cakartadakı səfirliyi 2006-cı ildə açılıb. Bu, Cənub-Şərqi Asiya regionunda açılan ilk Azərbaycan səfirliyidir. İndoneziya isə Bakıda səfirliyini 2010-cu ildə açıb. İndoneziya ilə Azərbaycan arasında ticarətin əsas hissəsi xam neftin payına düşür. Bu ölkə Azərbaycan neftinin alıcılarından biridir. İndoenziya isə Azərbaycana ağac məmulatları, soyuducular, qab-qacaq, stollar, kağız və sabun, digər məhsullar ixrac edir.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.