Gürcüstan parlamenti bu yaxınlarda marixuanadan istifadəyə icazə verilməsi (bu narkotik maddədən istifadənin leqallaşdırılması) məsələsini nəzərdən keçirməyə başlayacaq.
Gürcü KİV-ləri xəbər verir ki, müvafiq qanun layihəsi mayın 28-də parlamentdə qeydiyyatdan keçib.
Marixuanadan istifadəyə icazə verilməsi təşəbbüsü ilə parlamentin azlıqda olan fraksiyasının deputatı Qoqa Xaçidze çıxış edib. Deputat hesab edir ki, həkim təyinatı olmadan marixuana və xaşxaşın hazırlanması, əldə edilməsi, istifadə olunması və saxlanması bundan sonra cinayət əməli sayılmamalı və buna görə cəza verilməməlidir.
Bununla yanaşı deputat Xaçidze narkotiklərdən istifadəyə görə inzibati cərimənin məbləğini 500 laridən (218 dollar) 100 lariyə (43,6 dollar) endirməyi təklif edib.
Qeyd edək ki, marixuana Gürcüstanın əksər ərazilərində bitir. Ta 2006-cı ilə qədər marixuanadan Gürcüstanın əksər kəndlərində və paytaxt Tiflisin ayrı-ayrı məhəllələrində demək olar ki, açıq şəkildə istifadə olunurdu. 2006-cı ildə isə o zamankı prezident Mixail Saakaşvili narkotikdən istifadə hallarına qarşı sərt mübarizəyə başladı. Bundan sonra narkotikdən istifadə edənlər cinayət təqibi ilə üzləşdi.
Onu da bildirək ki, Gürcüstan parlamenti az əvvəl qanuna əlavə və düzəlişləri birinci oxunuşda qəbul edib. Həmin düzəlişlərə görə, narkotiklərlə bağlı cinayətlərə görə cəza yüngülləşdirilməlidir.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.