Rusiya Premyer Liqasında 2014/15 mövsümünə yekun vurulub. Sonuncu - XXX turun oyunları bu gün keçirilib. "Zenit"in 67 хalla çempion olduğu mövsümdə ÇSKA gümüş medalları qazanıb. Sürpriz şəkildə üçüncü pilləni tutan "Krasnodar" bürünc medallara sahib çıхıb.
Çempion "Zenit" birbaşa Çempionlar Liqasının qrup, ÇSKA III təsnifat mərhələsinə vəsiqə qazanıb. 3-4-cü pillələri tutan "Krasnodar" və Moskva "Dinamo"su Avropa Liqasının III təsnifat mərhələsində mübarizə aparacaq. Ölkə kubokunun qalibi "Lokomotiv" (Moskva) isə birbaşa qrup mərhələsinə vəsiqə qazanıb.
Son iki pilləni tutan "Torpedo" (Moskva) və "Arsenal" (Tula) I diviziona yuvarlanıb. I divizionda çempion olan "Krılya Sovetov" və "Anji" yenidən Premyer Liqaya qayıdıb.
Premyer Liqada 13-14-cü pillələri tutan "Ural" (Sverdlovsk) və "Rostov"la I divizionun 3-4-cü pillələrində qərarlaşan "Tosno" və "Tom" güclülər dəstəsinə son vəsiqələri müəyyənləşdirmək üçün pley-off oyunları keçirəcək.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
