banner
banner

Gündəm

Mübariz Qurbanlıdan yeni təyinat

Mübariz Qurbanlıdan yeni təyinat

Dini Qurumlarla İş üzrə Dövlət Komitəsində (DQİDK) yeni təyinat olub.

Sadiq Mirzəyev DQİDK-də yeni yaradılan Dini Maarifləndirmə İşinin Təşkili şöbəsinin müdiri vəzifəsinə təyin edilib.

Qeyd edək ki, Dini Maarifləndirmə İşinin Təşkili şöbəsi yeni yaradılıb və ölkədə dövlət-din münasibətlərinin tənzimlənməsi, dini etiqad azadlığının təmin olunması, dini ekstremizm və radikalizm meyillərinin qarşısının alınması məqsədilə dini maarifləndirmə işini təşkil edir.

Şöbə bu məqsədlə respublika və regional səviyyədə konfrans, "dəyirmi masa", seminar-treninqlərin keçirilməsi, təhsil müəssisələrində, habelə digər hökumət və qeyri-hökumət təşkilatlarında vətəndaşların, xüsusilə gənclərin zərərli dini ideologiyaların təsiri altına düşməsinə qarşı preventiv tədbirlərin görülməsi istiqamətində fəaliyyət göstərir. Eyni zamanda, dini qurumlar arasında maarifçilik işi aparır və onların koordinasiyalı şəkildə fəaliyyət göstərməsini təmin edir.

Şöbə Komitənin rəsmi orqanı olan "Dövlət və Din" ictimai fikir toplusunu, "Cəmiyyət və Din" qəzetini, dini mahiyyətli müxtəlif ədəbiyyatı və s. maarifləndirici materialları nəşrə hazırlayır. Bu məqsədlə şöbəyə daxil olan məqalələrin, əlyazmaların qeydiyyata alınması, əməkdaşlar arasında bölüşdürülməsi və çapa hazırlığı ilə əlaqədar digər işlərin aparılmasını həyata keçirir.

Bundan əlavə, şöbəyə daxil olan məktubların, müraciətlərin analiz edilib cavablandırılmasını və Dövlət Komitəsi sədrinin ona həvalə etdiyi digər funksiyaları yerinə yetirir.

Xatırladaq ki, Dini Qurumlarla İş üzrə Dövlət Komitəsinin sədri Mübariz Qurbanlıdır.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.