banner
banner

İdman

Azərbaycan kubokunda 19 il sonra finaldadılar

Azərbaycan kubokunda 19 il sonra finaldadılar

Bu gün Azərbaycanda futbol mövsümü rəsmən başa çatacaq. Mövsümün son oyunu Azərbaycan Kubokunun final matçı olacaq.

Həlledici qarşılaşmada "Qarabağ"la "Neftçi" qarşılaşacaq. Premyer Liqanın qızıl mükafatçısı ilə 4-cü pillənin sahibi Qəbələ şəhər stadionunda üz-üzə gələcək. Matçın start fiti saat 20.00-da çalınacaq.

Komandalar 19 ildən sonra kubokun finalında üz-üzə gələcək. Belə ki, "Qarabağ"la "Neftçi" bundan əvvəl ilk və son dəfə 1995/96 mövsümünün finalında qarşılaşmışdı. 15 may 1996-cı ildə Tofiq Bəhramov adına Respublika stadionunda baş tutan matçda "Neftçi" Yunis Hüseynovun dublu, Vidadi Rzayevin tək qolu sayəsində 3:0 hesablı qələbə qazanmışdı.

Bu "Qarabağ" üçün 7-ci final olacaq. 1993, 2005/06 və 2008/09 mövsümlərində kuboka sahib çıхan Ağdam klubu 1995/96, 1997/98 və 1999/2000 mövsümlərində gümüş medallarla kifayətlənib. "Qarabağ" bu gün qələbə qazansa, kubok sayında "Kəpəz"ə çatacaq.

"Neftçi" isə Azərbaycan Kubokunun mütləq rekordçusudu. Belə ki, "ağ-qaralar" indiyədək 7 dəfə turnirin qalibi olub (1994/95, 1995/96, 1998/99, 2001/02, 2003/04, 2012/13, 2013/14) və 2 dəfə finalda uduzub (2000/01, 2011/12). Ardıcıl 4-cü dəfə finala çıхan "Neftçi" son iki mövsümdə kubokun qalibi adını qazanıb.

"Ağ-qaralar" bu gün kubokun qalibi olsa, daha bir rekorda imza ataraq ardıcıl 3 dəfə finalda qələbə qazanmış ilk komanda olacaq. "Neftçi" bundan əvvəl 1994/95 və 1995/96, 2001/02 və 2003/04 (2002/03 mövsümü keçirilməyib), 2012//13 və 2013/14 mövsümlərində ardıcıl iki dəfə kuboka sahib çıхıb. Bakı klubundan başqa "Kəpəz" (1996/97, 1997/98) və "Xəzər Lənkəran" (2006/07, 2007/08) ardıcıl iki dəfə qalib olub.

Azərbaycan Kuboku
2015/16 mövsümü
Final

3 iyun
20.00 Qarabağ - Neftçi
Hakimlər: Rəhim Həsənov, Yaşar Abbasov,Rza Məmmədov, Orxan Məmmədov.
Əlavə köməkçi hakimlər: Əliyar Ağayev, Elvin Əsgərov.
AFFA nümayəndəsi: Oqtay Abdullayev.
Hakim-inspektor: Ramiz Mustafayev.
Qəbələ şəhər stadionu.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.