Türkiyədə parlament seçkilərindən iki gün keçsə də, səsvermənin nəticələri gündəmdədir. Təkbaşına hökumət qurmaq şansından məhrum olan hakim Ədalət və İnkişaf Partiyasının koalisiya yaratmaq cəhdləri də hələlik uğursuz görünür. Hakim partiyanın koalisiya üçün irəli sürdüyü şərtləri müxalifət partiyaları qəbul etmək istəmir.
İlk dəfə olaraq parlamentdə 80 millət vəkili ilə təmsil olunacaq kürd yönumlu Xalq Demokratik Partiyasının qələbəsi artıq iki gündür ki, kürdlər tərəfindən bütün ölkə boyu təmtəraqlı şəkildə qeyd olunur.
HDP-dən parlamentə seçilən millət vəkilləri arasında namizədliyini İğdırdan verən Azərbaycan əsilli Qıznaz Türkeli də var: “Millət vəkili olaraq xalqımızı layiqincə təmsil edəcəyəm. Bizim bölgəmizdə yaşayan - azərilərin, kürdlərin, tərəkəmələrin, ahıskalıların, eləcə də burdakı bütün azlıqların təmsilçisiyəm”.
13 ildən sonra ilk dəfə olaraq təkbaşına iqtidar formalaşdırmaq şansını itirən və koalisiya hökuməti qurmaq zərurəti ilə müttəfiq axtarışına çıxan hakim partiyanın sədri Baş nazir Əhməd Davudoğlu ilə prezident Rəcəb Tayyib Ərdoğan arasında bu gün təkbətək görüş keçirilib.
Görüşün nəticələri açıqlanmasa da, ilkin məlumatlara görə, ölkə prezidenti artıq baş nazir Əhməd Davudoğluna yarım ay ərzində hökuməti formalaşdırmağı tapşırıb.
Büromuza verilən məlumata əsasən, AKP digər partiyalarla danışıqlarda 3 təməl şərtini irəli sürəcək.
Birincisi, koalisiyaya girəcək müxalifət partiyası “Paralel dövlət”lə mübarizəni dəstəkləməli. İkincisi, ölkənin təməl məsələsi olan çözüm sürəci, yəni kürdlərlə vəziyyətin yaxşılaşdırılması yüksək səviyyədə davam etdirilməli, və nəhayət ilk dəfə xalq səs verməsi yolu ilə seçilən prezident Rəcəb Tayyib Ərdoğanın idareetmə sistemi müzakirə belə olunmamalıdır.
Amma partiyalardan heç birinin bu şərtlər əsasında AKP ilə müttəfiqliyə razı olmayacağı və Türkiyənin üç aydan sonra təkrar seçkiyə gedəcəyi proqnozlaşdırılır. Koalisiyanın qurulması hələ ki qeyri-mümkün görünsə də, bu həftə sonundan etibarən Davudoğlu növbə ilə partiya liderləri ilə görüşlər keçirəcək.
AKP koalisiya ortağı olsa da, olmasa da, Türkiyə bu il isti bir yaya girir. Həm hökumətin kim tərəfindən qurulacağı, həm də AKP-nin yoluna necə davam edəcəyi məsələsi qabaqkı aylarda aydınlaşacaq.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.