"Avro-2016"nın seçmə mərhələsində IV turun oyunlarına yekun vurulub. Qol.Az-ın məlumatına görə, millimizin yer aldığı H qrupu ilə yanaşı, A və B qruplarında növbəti oyunlar keçirilib.
A qrupunda uğursuz çıxışı ilə diqqət çəkən Türkiyə millisi bu turda evdə Qazaxıstanla qarşılaşıb. Fatih Terimin komandası bu görüşdə qalib gəlməklə seçmə mərhələdə ilk qələbəsini qazanıb – 3:1.
Qrupun digər matçında Hollandiya yığması evdə Latviya ilə münasibətlərinə aydınlıq gətirib – 6:0. Qrup liderləri Çexiya və İslandiya yığmaları Praqada üz-üzə gəlib. Oyun meydan sahiblərinin qələbəsi ilə başa çatıb – 2:1.
B qrupunda Belçika doğma azarkeşləri önündə Uelslə heç-heçə edib – 0:0. İsrail isə Bosniya və Hersoqovinanı qəbul edib və 3:0 hesablı qələbəyə sevinib.Qrupun autsayderi Andorra yığması isə səfərdə Kiprin qonağı olacaq. Qarşılşma Kiprin 5:0 hesablı qələbəsi ilə başa çatıb.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
