Kanadanın Vinnipeq şəhərində yerli aviaşirkətlərdən birinə məxsus sərnişin təyyarəsi təcili eniş edib. Edmonton şəhərindən Toronto şəhərinə uçan təyyarədə 54 sərnişin və 5 ekipaj üzvü olub.
Təyyarə təcili eniş etdikdən sonra oların hamısı fövqəladə çıxış pilləkənləri ilə təyyarəni tərk edib. Eniş zamanı 6 sərnişinin xəsarət aldığı bildirilir.
Təyyarənin məxsus olduğu aviaşirkət təcili enişin təhlükə səbəbindən edildiyini bildirib, lakin bu təhlükənin nədən ibarət olduğunu açıqlamayıb.
Bu, son bir həftə ərzində Kanadada üçüncü təyyarə insidentidir. Ötən həftəsonu eyni aviaşirkətə məxsus və Edmontona uçan təyyarə yalançı bomba həyəcanı ilə əlaqədar Saskatun şəhərinə yönləndirilmişdi.
Bundan bir neçə gün əvvəl isə Sent-Cons Beynəlxalq Hava Limanında təyyarədə bomba olması xəbəri ilə əlaqədar müvəqqəti olaraq bağlanmışdı.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.