Bu il fevralın 5-də Prezidentin fərmanı ilə ləğv edilən Dövlət Torpaq və Xəritəçəkmə Komitəsinin səlahiyyətləri Əmlak Məsələləri Dövlət Komitəsinə və Ekologiya və Təbii Sərvətlər Nazirliyinə verilsə də, işçilərin əksəriyyəti ixtisar edilib.
Onların biri də Komitənin Gəncə Şəhər Rayonlararası Yerquruluşu İdarəsinin ixtisaslı mütəxəssisi Quliyev Fuad İldırım oğludur. O, Əmlak Məsələləri Dövlət Komitəsindən şikayətçidir.
O, 2013-cü il sentyabr ayının 1-dən Dövlət Torpaq və Xəritəçəkmə Komitəsinin Gəncə Şəhər Rayonlararası Yerquruluşu İdarəsində 1-ci dərəcəli mühəndis vəzifəsinə qəbul olub.
"Bu ilin fevral ayında Dövlət Torpaq və Xəritəçəkmə Komitəsi ləğv edildiyi üçün mənim işlədiyim idarə Əmlak Məsələləri Dövlət Komitəsinin tabeliyinə verilib. İxtisaslı mühəndis olmağıma baxmayaraq məni işdən azad etdilər. Belə ki, 21.05.2015-ci il tarixdə mən ixtisara düşdüm",-deyə Fuad Quliyev bildirib.
Onun sözlərinə görə, ixtisaslı mütəxəssis və məcburi köçkün olduğunun nəzərə alınması iddiası ilə dəfələrlə Əmlak Məsələləri Dövlət Komitəsi müraciət edərək, işə bərpa olunmasını istəyib.
"İxtisaslı mütəxəssis olduğum həmçinin məcburi köçkün olduğumu nəzərə almadan dəfələrlə Respublika Əmlak Komitəsinə müraciət etməyimə baxmayaraq məni işlə təmin etmirlər. Odur ki ,xahiş edirəm həmin sahə üzrə ixtisaslı kadr olduğumu , Əmək Məcəlləsinin 78-ci maddəsini və Respublika Prezidentinin sərəncamına əsasən ilk növbədə Məcburi köçkünlərin işlə təmin olunmasını nəzərə alaraq mənə köməklik edəsiniz .".
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.