Türkiyənin Diyarbəkir vilayətində polis idarəsinə kustar yolla hazırlanmış bomba atılıb.
ANS PRESS-in məlumatına görə, Diyarbəkir vilayəti Bağlar rayonunda yerləşən polis idarəsinə naməlum şəxs və ya şəxslər tərəfindən hücum təşkil edilib. Üzü bağlı olan hücumçuların idarəyə bomba atmasından sonra ətrafda böyük səs-küy yaranıb.
Ərazidə olan sakinlər arasında panika yaşanıb. Lakin xoşbəxtlikdən partlayışda ölən və yaralanan olmayıb.
Polis qruplar şəklində küçələrdə axtarışlar başladıblar. Hələ ki, cinayətkarlardan heç bir iz tapılmayıb.
Qeyd edək ki, Bağlar rayonunda yerləşən Diyarbəkir Polis İdarəsi binası şəhərin ən yaxşı qorunan binaları arasında yer alır.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.