Dırnaqlarınız sağlamlığınızla bağlı xəbərdaredici xüsusiyyətə malik ola bilər.
Belə ki, dırnaqların vəziyyətinə əsasən hər hansı xəstəliyinizin olub-olmamasını təyin etmək olar.
Solğun dırnaqlar
Sağlam dırnaq əsasən çəhrayı, dibinə doğru isə ağımtıl çəhrayı rəngdə olmalıdır. Əgər dırnaqlarınız solğun və ya digər rəngdədirsə, bu, sağlamlığınızla bağlı xəbərdaredici işarə ola bilər.
Yaşıl rəng bakterial infeksiya göstəricisidir.
Qırmızı xətlər ürəklə bağlı problemləri, maviyə çalan dırnaqlar qanda aşağı oksigen səviyyəsini, ağ rəng qaraciyər problemini və tünd rəngdə xətlər isə ürək xəstəlikləri və yaşlanmağı işarə edir.
Qalın dırnaqlar
Çox qalın dırnaqlar təbii deyil. Normaldan daha qalın dırnaqlar ağciyər problemi, göbələk infeksiyası, tiroid və qan dövranı sistemi xəstəliklərinə dair xəbərdar edir.
Çatlaq dırnaqlar
Çatlaq dırnaqlar əsasən təbəqə şəklində tökülən dırnaqlardır. Dırnaqlarınız tez-tez çatlayırsa, bu, fol turşusu və C vitamini çatışmazlığından xəbər verə bilər. Həmçinin xroniki yanlış qidalanma xəbərçisi də ola bilər.
Qaşıq dırnaq
Bu dırnaqlar daxili narahatlıqlardan asılı olaraq çökük şəklində qıvrılır və qaşığa bənzər forma alır. Əsasən dəmir çatışmazlığı, hemoxromatoz, ürək problemləri və hipotiroid xəstəliklərinin göstəricisi ola bilər.
Çöküntülü dırnaqlar
Dırnaqlarınızda görülən kiçik çöküntülər və ya nöqtəvari dəliklər dırnaqlarınıza yaxşı baxmadığınızın göstəricisi ola bilər. Lakin sədəf, sink çatışmazlığı və ya Alopecia areata adlı saç tökülməsinə səbəb olan avtoimmun problemlərindən də xəbər verə bilər.
Dalğalı dırnaqlar
Dırnaqlar mahiyyət etibarilə hamar səthlərdir. Əgər nəzərəçarpan dalğalanmalardan söhbət gedirsə, deməli, dəmir çatışmazlığı, artrit və ya lupus xəstəliyi əlaməti ola bilər.
Quru, qırılan dırnaqlar
Dırnaqlarınız tez-tez qırılırsa, hormon səviyyələrinizi yoxlatdırmanız tövsiyə olunur. Tiroid və ya göbələk xəstəliyindən söhbət gedə bilər.
Yumru dırnaqlar
Əgər dırnaqlarınızın ətrafındakı dəri şişirsə, bu, ağciyər xəstəlikləri, iltihabi bağırsaq xəstəlikləri və ya qaraciyər problemlərinin göstəricisi ola bilər.
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.