banner
banner

Sağlamlıq

Şəkərin kəskin düşməsi zamanı - İLK YARDIM

Şəkərin kəskin düşməsi zamanı -

Qlükoza orqanizmin əsas enerjı mənbəyi, "yanacağı"dır. Beyin hüceyrələrinə qlükoza xüsusilə lazımdır.

Qlükozanın çatışmazlığı zamanı "hipoqlikemiya" inkişaf edir. Hipoqlikemiyanın ilk simptomları ilə insanların əksəriyyəti üzləşib. Vaxtında qida qəbul etmədikdə biz aclıq, baş ağrısı, halsızlıq, başgicəllənməsi hiss edirik. Lakin şəkərli diabet xəstələrində hipoqlikemiya daha ağır keçir və çox ağır pozulmalarla hətta ölümlə nəticələnə bilər.

Şəkərli diabet xəstəsi hipoqlikemiya zamanı bu kimi simptomları hiss edir:

- kəskin aclıq

- halsızlıq və yorğunluq

- titrəmə

- soyuq tər

- ürəkdöyünməsinin tezləşməsi

- patoloji qorxu

- görmənin pozulması

- dil və dodaqların keyiməsi.

Əgər xəstəyə vaxtında kömək edilməzsə, insan özündən gedə bilər və onda hipoqlikemik koma inkişaf edə bilər.

Hipoqlikemiyanın əsas səbəbləri:

- insulinin düzgün yeridilməməsi və ya artıq dozada yeridilməsi

- qida qəbulları arasında uzun fasilələr, qəbul etdiyi qidalarda karbohidratların az olması

- güclü fiziki gərginlik və ya güclü stress

- spirtli içkilərin qəbulu (xüsusilə çoxlu miqdarda və acqarına)

- kəskin infeksion xəstəliklər, hərarətin artması

- hamiləlik (xüsusilə hamiləliyin əvvəlində)

- cərrahi əməliyyat

- böyrək və ya qara ciyər çatışmazlığı.

Koma çox tez inkişaf edə bilər (bir neçə dəqiqə ərində). Bu səbəbdən ətrafdakıların xəstəyə tez və düzgün kömək etməyi çox vacibdir. Bundan xəstənin tək sağlamlığı deyil, həyatı da asılı ola bilər.

Hipoqlikemik koma tək şəkərli diabet zamanı deyil, insulinoma (insulin ifraz edən  toxumasının şiş xəstəliyi) zamanı da baş verə bilər. İnsulinoma zamanı koma qəfildən baş verir.

Hipoqlikemiyanın ilk simptomlarında ailənin bir üzvü dərhal "təcili yardım" çağırmalı, digərləri isə xəstəyə kömək etməlidir.

Xəstəyə dərhal 2 tikə şəkər, 1 qaşıq bal və ya şirin mürəbbə, peçenye vermək lazımdır. Daha sonra xəstəyə sıyıq və ya 1 tikə çörək, şirin meyvə vermək olar. Xəstə huşunu itirirsə, onun dilinin altına 1 tikə şəkər qoyun, xəstəni böyürü üstə uzandırın (xəstədə qusma inkişaf edə bilər).

Adətən 5-10 dəqiqə ərzində xəstənin vəziyyəti düzəlməlidir.

Cia.az

 


Daha tez məlumatlanmaq üçün Facebook səhifəmizi




Oxşar xəbərlər

Soyuq duş alın, görün nə baş verəcək

Mütəmadi olaraq soyuq duş qəbul etmək insanın fiziki və psixoloji vəziyyətini yaxşılaşdıra, xəstəliyə görə işə çıxmadığı günlərin sayını azalda bilər.

Qarın piylərindən xilas olmaq üçün 5 ərzaqlı resept

Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.

Armudun bilmədiyimiz faydaları

Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.