Rusiya dünya tarixinə sınaqdan keçirilmiş ən güclü nüvə bombası kimi düşmüş, Sovet dövrünə aid hidrogen bombasının modelini paytaxt Moskvada sərgiləmək niyyətindədir.
Sovet İttifaqı dövründə sınaq məqsədilə partladılmış "Çar Bomba"nın maketi gələn ay Kreml yaxınlığında yerləşən Manej sərgi mərkəzində nümayiş etdiriləcək.
AN-602 hidrogen bombası maketinin, 1945-ci ildən hesablanan Rusiya atom sənayesi nailiyyətlərinə həsr olunmuş sərginin əsas eksponatına çevriləcəyi gözlənilir.
Sovet İttifaqı 58 meqatonluq hidrogen bombasını Arktika üzərində 1961-ci ildə partlatmışdı.
Həmin bomba Hiroşimaya atılmış ABŞ-ın atom bombasından 3,000 dəfə güclü idi.
Rusiya mətbuatına əsasən, partlayışdan yaranmış zərbə dalğası Yer Kürəsini 3 dəfə dövrə etmişdi, eni 4.6 km olan alov topu isə genişlənib partlayışın episentrindən qalxan tüstü sütunu ilə qarışaraq diametri 67 km olan göbələk formalı buluda çevrilmişdi.
Bomba müqəvvası Moskvaya paytaxtdan 465 km şərqdə yerləşən Sarov şəhərindən gətiriləcək.
Moskva sərgisi Rosatom dövlət şirkəti tərəfindən təşkil edilir.
Sərgi sentyabrın 1-dən setyabrın 29-dək davam edəcək.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.