Bu haqda "Anadolu" agentliyi məlumat yayıb. Məlumata görə, 316 uşağın valideyni "uşağımı PKK dağlara qaçırıb" şikayəti ilə Türkiyənin təhlükəsizlik orqanlarına müraciət edib. Həmin uşaqlardan 88-i qızdır.
Bu şəxslər "terrorun qurbanı olan itkinlər" siyahısına daxil ediliblər. Məlumatda bildirilib ki, Tükiyənın ətraf kəndlərində 2 min 500 terrorçu var. Ölkədən xaricdə isə əli silahlı, çeşidli yaş qruplarına aid PKK terroçularının sayı 9 minə yaxındır. Onların 2 min 500-ü Suriyada, 600-ü İranda, 3 min 500-ü İraqda, 2 min 500-ü isə müxtəlif adlar altında Avropa İttifaqı ölkələrində fəaliyyət göstərirlər.
İnsan Haqlarının Müdafiəsi üzrə Beynəlxalq Təşkilatın hesabatında bildirilib ki, PKK-nın Suriyadakı qolu sayılan YPG-nin (Xalqın Müdafiə Birliyi) nəzarəti altında olan bəzi bölgələrdə yeniyetmə oğlan və qızlardan ya həmin ərazilərdə, ya da silahlı qarşıdurmalarda, terror aksiyalarında istifadə edirlər.
Həmin hesabatda bildirilib ki, yeniyetmələr PKK-nın qollarından biri sayılan PYD-nin (Demokratik Birlik Partiyası) gənclər bölümündə hazırlaşdırıldıqdan sonra YPG sıralarına qəbul edilirlər.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.