Azərbaycanın birinci xanımı, ISESKO-nun xoşməramlı səfiri Mehriban Əliyeva böyük istedada və dünyagörüşünə malik çox dinamik insandır. Bunu Trend-ə müsahibəsində İslam Təhsil, Elm və Mədəniyyət Təşkilatının (İSESKO) baş direktoru Əbdüləziz bin Osman əl-Tüveycri deyib.
O bildirib ki, Mehriban Əliyeva həmişə dialoq və mədəniyyətlərarası qarşılıqlı münasibətlərin tərəfdarı olub.
ISESKO-nun baş direktoru qeyd edib ki, Mehriban Əliyevanın Mədəniyyətlərarası Dialoq üzrə Beynəlxalq Foruma göstərdiyi dəstək forumun nəcib məqsədlərinə çatmaqda əsas amillərdəndir: “Bütün əvvəlki forumlarda iştirak etmək şərəfinə layiq görülmüşəm və deyə bilərəm ki, onların hamısı yaxşı təşkil olunmuş, məhsuldar keçmiş və dünyanın bir çox yüksək vəzifəli xadimlərini cəlb etmişdir”.
Doktor Əbdüləziz bin Osman əl-Tüveycri həmçinin Birinci Avropa Oyunlarının keçirilməsində Mehriban Əliyevanın rolunu vurğulayıb: “I Avropa Oyunları uğurla keçirildi və Azərbaycanın belə böyük tədbirləri təşkil edə bilmək qabiliyyətini göstərdi. Azərbaycanın birinci xanımı, Avropa Oyunları Təşkilat Komitəsinin sədri və onun komandası Oyunlarda iştirak edən və yarışları ekranlardan izləyənləri heyrətə salan, bütün dünyanın marağına səbəb olan tədbir nümayiş etdirə bildi”.
O bildirib ki, bu tarixi tədbirdə fəxri qonaqlar arasında olmaq şərəfinə layiq görülüb və bir çoxları kimi mərasimin gözəlliyi və mükəmməlliyinə heyran qalıb.
Doktor Əbdüləziz bin Osman əl-Tüveycri həmçinin Vatikanda Müqəddəs Taxt-Tac ilə bağlı layihələrdə Mehriban Əliyevanın iştirakını yüksək qiymətləndirib: “O, dialoq, inkişaf və humanitar fəaliyyətin bir çox sahələrində çalışır və Müqəddəs Taxt-Tac ilə bağlıl layihələrdə iştirak etməsi, bu çərçivədəki fəaliyyəti onun şəxsiyyətini əks etdirir. Bu, şübhəsiz, müasir, tolerant və konstruktiv ölkə kimi Azərbaycanın əsl simasını bütün dünyaya nümayiş etdirir”.
O bildirib: “Düşünürəm ki, artıq Azərbaycanın birinci xanımı hörmət və heyranlığa layiq dünya əhəmiyyətli xadimdir”.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.