banner
banner

Sağlamlıq

Qripp və onun ağır fəsadları

Qripp və onun ağır fəsadları

Qripp virus infeksiyadır. Virus orqanizmimizə selikli qişalardan və nəfəs yollarından daxil olur, orqanizmin hüceyrələrinin içərisinə keçir və burada çoxalmağa başlayır.

Qripp zamanı bədən hərarəti 38,5 C-dən yuxarı qalxır. Digər kəskin respirator infeksiyaları zamanı hərarət daha aşağı olur. Bu qripi digər respirator infeksiyalardan fərqləndirir. Həmçinin qripp zamanı həddən artıq güclü intoksikasiya inkişaf edir (baş, oynaqlar, əzələlər ağrıları, ürəkbulanması, iştahasızlıq). Kəskin respirator infeksiya zamanı insan özünü daha yaxşı hiss edir, qripp zamanı isə xəstənin vəziyyəti çox ağır olur - insan hətta yataqdan qalxa bilmir. Digər respirator infeksiyalarla müqayisədə qripp daha sürətlə yayılır (qripp, demək olar, 100% hallarda xəstə insandan ətrafda olanlara keçir).

Qripp çox təhlükəli virus sayılır. Qripp çox ağır fəsadların inkişafına və hətta xəstənin həlak olmasına səbəb ola bilər. Bu fəsadların arasında:

- pnevmoniya (ağ ciyər iltihabı)

- otit (qulaq iltihabı)

- haymorit

- bronxit

- miokardit - ürək əzələsinin iltihabı

- perikardit - ürək qişasının iltihabı

- ürək çatışmazlığı

- piyelonefrit - böyrək toxumasının iltihabı

- meningit - beyin qişalarının iltihabı

- ensefalit - baş beyinin iltihabı

Qripp immunitetin kəskin zəifləməsinə səbəb olur ki, bu fonda insanda olan bir çox xroniki xəstəliklər kəskinləşə bilər.

Qripp 5 yaşına kimi olan uşaqlar və 55 yaşından yuxarı böyüklər üçün xüsusilə təhlükəlidir. Məhz bu qrup insanlarda qripin fəsadlarının riski olduqca yüksək olur.

Qripp hamilə qadınlar üçün da çox təhlükəlidir. Qripp dölsalmaya, uşaqda müxtəlif patologiyaların inkişafına səbəb ola bilər. Bu xüsusilə ilk trimestrdə (hamiləliyin ilk 3 ayı) təhlükəlidir.

Qripin ilk simptomlarında dərhal həkimə müraciət etmək lazımdır!

Cia.az



Daha tez məlumatlanmaq üçün Facebook səhifəmizi




Oxşar xəbərlər

Soyuq duş alın, görün nə baş verəcək

Mütəmadi olaraq soyuq duş qəbul etmək insanın fiziki və psixoloji vəziyyətini yaxşılaşdıra, xəstəliyə görə işə çıxmadığı günlərin sayını azalda bilər.

Qarın piylərindən xilas olmaq üçün 5 ərzaqlı resept

Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.

Armudun bilmədiyimiz faydaları

Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.