Hamı bilir ki, balıq yağı çox xeyirli məhsuldur. Əvvəllər balıq yağı əsasən uşaqlara verilirdi.
Belə hesab olunurdu ki, balıq yağı uşaqların inkişafına və sağlamlığına müsbət təsir edir. Bəli, bu həqiqətdir. Lakin müasir tibb balıq yağını böyüklər üçün daha xeyirli hesab edir.
Elmi araşdırmalar nəticəsində məlum oldu ki, balıq yağının qəbulu böyüklərdə urək-damar sistemi xəstəliklərinin ən yaxşı profilaktikasıdır. Balıq yağı ürəyin, damarların, beyinin sağlamlığını qoruyur. Məhz bu səbəbdən balıq yağını "qocalıqdan xilas edən dərman" adlandırırlar.
Balıq yağı çox zəngin tərkibə malikdir. Onun tərkibində sağlamlığımız üçün çox vacib olan iki vitamin - A və D vitaminləri var. Bundan əlavə balıq yağının tərkibində çox qiymətli Omeqa-3 yağlı turşuları var. Bu faydalı maddələr balıq yağını əsl dərmana çevirir. Məhz bu səbəbdən balıq yağı bir çox xəstəliklərin müalicəsində və profilaktikasında geniş istifadə olunur.
Balıq yağı oynaqlarda iltihabları müalicə edir, ağrıları azaldır, oynaqların hərəkətliliyini artırır. Həmçinin balıq yağı dəri xəstəlikləri zamanı da istifadə olunur.
Balıq yağı yaşlı insanlarda ağıl zəifliyinin inkişafının qarşısını almağa kömək edir. Həmçinin balıq yağı insanları depressiyalardan qoruyur, orqanizmin streslərə qarşı olan davamlılığını artırır. Sübut olunub ki, balıq yağı orqanizmdə "xoşbəxtlik hormonu" olan serotoninin ifrazını artırır ki, bu da əhval-ruhiyyəni yaxşılaşdırır.
Elmi araşdırmlar nəticəsində sübut olunub ki, balıq yağı ürəyə çox müsbət təsir edir:
- infarktın əsas səbəbi olan aterosklerozla mübarizə aparır,
- damarlarda trombların əmələ gəlməsinin qarşısını alır,
- arterial təzyiqinin tənzimlənməsinə kömək edir.
Balıq yağı xərçəngəleyhinə təsirə malikdir.
Balıq yağı hamilə qadınlara da tez-tez təyin olunur. Balıq yağı dölün sinir sisteminin normal inkişafına kömək edir.
Lakin bütün bu faydalı xüsusiyyətlərə baxmayaraq, bəzi xəstəliklər və pozulmalar zamanı balıq yağının qəbulu əks-göstərişdir. Bu səbəbdən balıq yağını həkim təyin etməlidir.
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.