Lukaşenko oğlu Kolyanı BMT-yə niyə aparıb? - FOTOLAR
Belarus prezidenti Aleksandr Lukaşenko 11 yaşlı oğlunu BMT-nin Baş Assambleyasına aparmaqla bir çox siyasətçiləri təəccübləndirib.
Balaca Kolya və atası hətta Barack və Michele Obamalarla şəkil də çəkdiriblər.
11 yaşlı məktəbli atasını tez-tez rəsmi səfərlərində müşayiət edir
Amma atası Kolyanı Nyu Yorka təkcə dondurma yemək üçün aparmayıb. Lukaşenkonun məktəb yaşlı övladı Baş Assambleyada dünya liderləri ilə bir masa arxasında da oturub.
Xarici agentliklər yazırlar ki, BMT səfəri Kolyanın ilk siyasi missiyası olmayıb. Böyüklər kimi rəsmi kostyum və qalstuk geyinən Nikolay Lukaşenko atasını bir çox səfərlərdə müşayiət edir.
O, Pekində keçirilən qələbə paradına da hökumət tribunasından atası ilə birlikdə tamaşa edib.
Kolyanı hərbi paradlarda da atası ilə yanaşı görmək olar
Bəziləri deyirlər ki, Aleksandr Lukaşenko oğlunu öz siyasi varisi kimi görür.
Cənab Lukaşenkonun özü 2012-ci ildə BBC-yə verdiyi müsahibədə bu söz-söhbətləri əsassız adlandırıb. O izah edib ki, uşaq ona çox bağlıdır və onsuz heç yatmağa da getmir.
Bəzi təhlilçilər Kolya Lukaşenkonun, ümumiyyətlə məktəbə getməsinə şübhə edirlər.
Belarus müxalifətinin Belsat telekanalı bildirir ki, uşaq artıq xeyli dərs buraxıb.
Bəziləri deyirlər ki, atası Kolyanı öz yerinə hazırlayır
Bütün bunlar hələ 2005-ci ildə Bush tərəfindən “Avropanın sonuncu diktatoru” adlandırılmış Aleksandr Lukaşenko barədə yeni mülahizələrə səbəb olur.
Prezidentin sonbeşiyi olan Kolya, deyilənlərə görə, Lukaşenko ilə şəxsi həkimi arasındakı nikahdankənar münasibətlər nəticəsində doğulub.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.