banner
banner

Dünya

ABŞ Suriyada qiyamçıların təlimini dayandırır

ABŞ Suriyada qiyamçıların təlimini dayandırır
ABŞ bildirib ki, Suriyada yeni qiyamçı qüvvələrinin təlimini dayandıracaq və səylərini mövcud qüvvələrin silah və avadanlıqla təchizatına yönəldəcək.
 
Mətbuat bildirir ki, ABŞ-ın təlimləndirdiyi qiyamçıların silah və texnikanı eksremistlərə ötürüdüyü bəlli olandan sonra, 500 milyonluq proqram ciddi tənqidlərlə üzləşmişdi.
 
Ötən ay məlum olub ki, təlimləndirilmiş qiyamçılardan yalnız 4-5-i Suriyadadır. Halbuki proqrama görə təkcə bu il 5400 döyüşçü təlim və silah almalı idi. 2016-cı il üçün bu işə 15 min döyüşçünün cəlb ediləcəyi planlaşdırılmışdı.
 
Ağ Evin rəsmilərindən biri bildirib ki, proqrama “pauza” verilib.
 
ABŞ bildirib ki, bundan sonra ayrı-ayrı qiyamçı fərdlər yox, Vaşinqtonun əməkdaşlıq etmək istədiyi qrupların başçıları yoxlamadan keçiriləcək, lakin bu yoxlama daha ciddi aparılacaq.
 
Bu təşəbbüs üzrə yaradılmış iki qrupdan biri iyul ayında əl-Qaedaya bağlı Nüsra Cəbhəsi tərəfindən əsir alınmışdı.
 
İkinci qrupun da öz silah və texnikalarını salamat çıxış müqabilində Nüsra Cənhəsinə ötürdüyü söylənir.
 
ABŞ Müdafiə Nazirliyindəki mənbəyə istinad edən “The New York Times” qəzeti yazıb ki, ABŞ bundan sonra İordaniya, Qətər, Səudiyyə Ərəbistanı və Birləşmiş Ərəb Əmirliklərindəki düşərgələrdə Suriya qiyamçılarının təlimini aparmayacaq.
 
Əvəzində Türkiyədə daha kiçik təlim mərkəzi yaradılacaq və buraya fərdi qiyamçılar yox, dəstə komandirləri dəvət olunacaq
Cia.az


Daha tez məlumatlanmaq üçün Facebook səhifəmizi




Oxşar xəbərlər

Türkiyə bunu da etdi - Dünyada ilk dəfə baş verir, görənlər ŞOKDA

Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.

Bu ölkə İsraillə hərbi əməkdaşlığı gücləndirəcək

Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.