“Sürüşmə zonasında ev tikmək olmaz” - Abid Şərifov
“İnsanlarımız və ayrı-ayrı qurumlar başa düşməlidir ki, sürüşmə zonasında ev tikmək olmaz”.
APA-nın məlumatına görə, bunu baş nazirin müavini Abid Şərifov deyib.
O bildirib ki, Ekologiya və Təbi Sərvətlər, Fövqəladə Hallar nazirlikləri, Dövlət Torpaq və Xəritəçəkmə Komitəsi birlikdə Abşeron ərazisində sürüşmə yerlərinin sxemini hazırlayıb: “Yəqin ki, yaxın vaxtlarda sürüşmə zonasında evlərin verilməməsinə və ya veriləcəksə, bunun xüsusi razılıq əsasında edilməsinə dair da qərar veriləcək”.
A. Şərifov Ağsu aşırımının əvvəllər sürüşmə zonası olmadığını, sonralar orada aparılan tikinti işləri nəticəsində sürüşmələr baş verdiyini deyib: “Sürüşmənin səbəbkarı çox vaxt özümüzük. Özümüz bunu bilmədən yaradırıq. Tikinti tikən zaman fikir vermək lazımdır ki, infrastruktura ziyan vurulmasın”.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.