“Bunun bizə aiddiyyatı yoxdur” - Hacıbala Abutalıbov
Son günlərin ən aktual məsələlərindən biri Bakı-Sumqayıt yolunun sürüşməsidir. Ən işlək magistrallardan birində təhlükəli çatların yaranması paytaxtın yol infrastukturunda ciddi problemlərin olduğunu deməyə əsas verir. Maraqlıdır ki, şəhər meriyasına rəhbərlik edən cənab Hacıbala Abutalılbov hələki məsələyə münasibət bildirməyib.
Cia.az xəbər verir ki, modern.az saytı Bakı meri ilə əlaqə saxlayaraq, ondan sürüşmə problemi bağlı qənaətlərini soruşub. Ancaq Hacıbala müəllim sualı dinlədikdən sonra “bu problemin bizə aiddiyyatı yoxdur, siz yenə də meriyanın mətbuat xidmətinə zəng edin” deməklə məsələyə münasibət bildirmək istəməyib.
“Bakı-Sumqayıt yolunun sürüşməsi ilə əlaqədar konkret nəsə deyə bilmərik. Çünki avtovağzalın qarşısındakı Bakı-Sumqayıt yoluna biz baxmırıq. Ona görə də yolun sürüşməsi məsələsini araşdırmaq Bakı Şəhər İcra Hakimiyyətinə aid deyil”. Bunu isə Bakı Şəhər İcra Hakimiyyətinin mətbuat xidmətindən deyiblər.
Mətbuat xidmətindən bu ilin mayında Binəqədi rayonu ərazisində yanmış 16 mərtəbəli binanın təmirdən sonrakı vəziyyəti, sakinlərin evlərinə köçməkdən imtina etməsi məsələsinə də aydınlıq gətirilib. “Bakı Şəhər İcra Hakimiyyətinin başçısı Hacıbala Abutalıbov gündəlik olaraq Binəqədi ərazisində yanmış binanın sakinlərilə də, onların problemlərilə də tanış olur. Bu iş Hacıbala müəllimin gündəlik iş rejiminə daxildir. İkinci bir məsələ təmirdən sonra sakinlərin binaya köçməkdən imtina etməsidir. Həmin binada iki mənzil var ki, o mənzillərin sakinləri binaya köçməkdən imtina ediblər. Onların məsələsi araşdırılır. Binaya köçməkdən imtina edənlərə başqa bir yerdə mənzil təklif olunub”.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.