Binəqədi Rayon Polis İdarəsi 7-ci polis bölməsinin əməkdaşları dünən axşam onları da güldürən qəribə oğurluq faktı ilə üzləşib. Səbəb Rəsulzadə qəsəbəsinin sakini Bahar Hüseynovanın polisə şikayətidir.
Binəqədi Rayon Polis İdarəsindən verilən məlumata görə, B.Hüseynova polisə şikayət ərizəsində göstərib ki, sentyabrın 5-dən onun evində kirayənişin qalan Afiq adlı şəxs oktyabrın 20-də evi tərk edib, evdən gedəndə də mənzildəki unitazı, “tülpan” əlüzyuyanın və elektrik mişarını (laqunda) oğurlayıb.
Binəqədi rayonu, Mir Cəlal küçəsində yaşayan Əliəfsər Ağayev adlı digər vətəndaş qəribə oğurluğun qurbanı olub. Binəqədi RPİ 7-ci polis bölməsinə müraciət edən Ə.Ağayev bildirib ki, oktyabrın 6-dan 20-dək evdə olmayıb. Bundan istifadə edən oğru və ya oğrular qapını sındırmaq yolu ilə onun evinə girərək mənzildəki 120 manatı və qızıldan hazırlanmış diş protezini aparıblar.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.