Ermənistanda müxalifətin Ermənistan Milli Konqresi (HAK) bildirir ki, 6 dekabr referendumunun nəticələrinə qarşı mübarizəni davam etdirəcək.
HAK rəsmisi Levon Zurabian dekabrın 14-də “Azadlıq” radiosunun erməni xidmətinə deyib ki, onlar Konstitusiya Məhkəməsinə müraciət edəcəklər.
Qeyd edək ki, referendum nəticəsində ölkə prezident üsul-idarəsindən parlament sisteminə keçib.
Müxalifət referendumda saxtakarlıqların baş verdiyini bildirir. Narazılar etiraz aksiyaların davam edəcəyini bəyan ediblər.
Onu da qeyd edək ki, Ermənistan Mərkəzi Seçki Komissiyası dekabrın 13-də konstitusiyaya dəyişikliklərin qəbul olunduğunu bəyan edib. Komissiya müxalifətin iddialarını da rədd edib, “referendumun nəticələrinə təsir göstərəcək pozuntuların baş vermədiyini” deyib.
Müxalifət isə iddia edir ki, dəyişikliklərdə məqsəd prezident Serj Sərkisyanı 2018-ci ildən sonra da prezident postunda saxlamaqdır.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.