Bu ilin sonunadək Sabirabadda regional “ASAN xidmət” mərkəzi istifadəyə veriləcək.
Bu barədə Trend-ə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN xidmət) İnformasiya təminatı şöbəsinin müdiri Anar Hüseynov deyib.
Şöbə müdirinin sözlərinə görə, mərkəzdə Sabirabad və ətraf rayonların əhalisinə xidmət göstəriləcək: “Planlaşdırılır ki, 2014-cü ilin sonunadək, yəni dekabr ayı ərzində Sabirabaddakı regional “ASAN xidmət” mərkəzinin istifadəyə verilsin. Artıq mərkəz bütün lazımi avadanlıqlarla təchiz olunub. Hazırda orada son tamamlama və sınaq işləri həyata keçirilir”.
Onun sözlərinə görə, bundan əlavə, 2015-ci il ərzində Bərdə, Masallı, Qəbələdə də regional “ASAN xidmət” mərkəzlərinin açılması nəzərdə tutulur.
Qeyd edək ki, hazırda respublikada 6 “ASAN xidmət” mərkəzi fəaliyyət göstərir. Onlardan 4-ü paytaxt Bakıda, 1-i Sumqayıtda, 1-i də Gəncə şəhərində yerləşir.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.