Bir qrup təhsil işçisi dekabr ayının maaşını hələ də almayıb.
Bu barədə “Qafqazinfo”ya Abşeron rayonunda çalışan müəllimlər məlumat verib. Bildirilir ki, rayonda ümumilikdə 250-yə yaxın müəllimin əməkhaqqı “Kapital Bank”dakı maaş kartlarına köçürülməyib.
Abşeron rayon təhsil şöbəsinin mühasibatlıq bölməsindən “Qafqazinfo” ya problemin səbəbini bilmədiklərini dedilər.
“Kapital Bank”dan isə araşdırıb bildirdilər ki, vəsaitin kartlara köçürülməməsinin səbəbi bankla bağlı deyil.
Şikayəti araşdırarkən məlum oldu ki, əslində problemin miqyası böyükdür. Belə ki, təkcə müəllimlər yox, həmçinin bir qrup təqaüdçü və səhiyyə işçisi də ötən ilin dekabr ayının maaşını hələ də almayıb. Əldə etdiyimiz məlumata görə, maaşların gecikdirilməsinin səbəbi Maliyyə Nazirliyi tərəfindən pulların köçürülməməsi ilə bağlıdır.
Qeyd edək ki, problemlə əlaqədar Maliyyə Nazirliyinə sorğu göndərsək də, sualımıza cavab verilməyib.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.